إيما ستون تهاجم الصحفيين ونقابة الممثلين لسبب غريب
زوجة أمام محكمة الأسرة: «علشان مزاجه باع شرف بنتي بالفلوس»
الأحد 20/نوفمبر/2022 - 08:10 م
هويدا علي
وقفت فرحة تروي قصتها أمام قاضي محكمة الأسرة بإمبابة " أنا وجوزي متجوزين من 16 سنة وطول السنين استحملت منه ضرب وأهانة وبخل وخيانة وكل ده بسبب الحشيش اللي بيشربه انجبنا بنت عمرها الآن 15 سنة وزي مابيقولو خرطها خرط البنات وفجاءه ترك زوجي عمله بدون سابق إنذار وكان كل مهامه في البيت يأكل ويشرب حشيش وينام ".
عيشه الملوك
وأضافت "جوزي لما قعد في البيت من غير لا شغلة ولا مشغلة فكر في فكرة تجيبله فلوس وهو قاعد في بيته وهو أنه ينزل بنته تجيبله هي الفلوس بنتي رفضت وأنا هددته أني هسيبله البيت وأمشي لو عمل كدة راح ضربني وبهدلني عشان أوافق وأسكت وبنتي طبعا لما شافت كدة خافت ووافقت من غير ما تنطق ولا كلمة جابلها شوية مناديل وسبح وقالها " سيبك بقي من المدرسة وخليكي في اللي هقولك عليه ولو سمعتي كلامي هنعيش عيشة الملوك تنزل من الصبح بدري تضحكي لده شوية وتعيطي لده شوية ومترجعليش في أخر اليوم بأقل من 200 جنية " وبنتي فعلا وافقت وسمعت كلامه وهي مكسورة ". بنتي لما كانت تنزل وترجع لأبوها بفلوس أقل من اللي هو طلبها كان يمسكها يضربها وينيمها من غير أكل وشرب لحد ما جت في يوم معيطة ومتبهدلة ولما سألناها مالك حكيتلنا أن في واحد كان راكب عربيته وقالها "أركبي وتعالي معايا البيت هغديكي وأديكي الفلوس اللي أنتي عايزاها وبعدين أرجعك مطرح ما خدتك تاني " وبنتي من خوفها من أبوها راحت معاه وهناك قلعها هدومها وأعتدي عليها وبعدين رماها من غير ولا جنية أبوها لما عرف الكلام ده مهمهوش أي حاجة غير أن الراجل ده سابها من غير ما يديها الفلوس وقالها " بعد كدة قبل ما تعملي حاجة مع حد تاخدي فلوسك الأول وهقعدك مع أمك شوية وهي تعلمك أزاي تبسطي الرجالة ويدوكي فلوس أكتر " من هنا اتأكدت أن اللي أنا عايشة معاه ده مش راجل وأنه مش بس خسر بنتي تعليمها ومستقبلها ده كمان خسرها شرفها وبراءتها لما طلب منها تتشرد في الشوارع و تسلم نفسها للي يسوي واللي ميسواش جيت المحكمة أنهاردة عشان أرفع عليه دعوي خلع وبأي طريقة هاخد بنتي تعيش معايا عشان نبعد عنه ونترحم من شره ".
اقرأ أيضًا..
