حوادث

زوجة تستغيث بدموع الحسرة: «صنت جوزي.. فباع جسدي للغريب»

السبت 19/نوفمبر/2022 - 11:22 م

هويدا علي

وقفت نرمين أمام قاضي محكمة الأسرة بمصر الجديدة ووجها يملؤه الخجل والحسرة لتروي مأساتها قائلة:" أنا وجوزي متجوزين من 3 سنين ولسه ربنا مرزقناش بأطفال ومن حوالي سنتين جوزي كان ماشي في الشارع وجت عربية خبطته خبطة جامدة نتج عنها أنه مبقاش يمشي على رجله تاني وأنا عشان بحبه قولتله ارتاح أنت في البيت وأنا هنزل واشتغل وهفضل في ضهرك ".

وتابعت :" نزلت واشتغلت في عيادة والمرتب اللي كنت باخده كنت بصرف بيه علي البيت وبدي جزء منه لجوزي عشان ميحسش أنه عاجز أو محتاج حاجة، لكن هو مع الوقت القعدة في البيت غيرته والفلوس اللي كنت بديهاله مكنتش بتعجبه ولا بتكفيه وبقي بيطلب مني طلبات غريبة جدا، زي إني أصور نفسي وأنا بستحمي أو بغير هدومي وكان أوقات كمان يصورني هو وأنا نايمة أو وأنا بنضف الشقة وبكنس وبمسح ولما اسأله " لية الصور دي ؟" يقولي: عشان بتوحشيني وبتسيبيني في الشغل وقت طويل فببقي عايز أشوفك طول الوقت قدامي ".

اكتشفت صدفة

واختتمت :" فضلنا وقت علي الحال ده وكنت بتصورله كل الصور اللي هو بيطلبها لحد ما في مرة بالصدفة كنت بعمل حاجة علي تليفونه ولقيت واحد باعتله فيديو ليا وبيقوله " مراتك حلوة أوي ما تسلفهاني شوية " جالي انهيار وفضلت أبكي وأصرخ فيه " بقي أنا بنزل كل يوم اشقي واتعب عشان أشيل عنك وفي الأخر توري لحمي للغريب ؟".

اقرأ أيضًا..