بنك مصر يوقع اتفاقية تعاون مع فيزا للتوسع في نشاط المدفوعات
والد ياسمين صبري عن ابنته: «كانت بتتفصل من الجامعة مرتين في السنة»
الأحد 20/نوفمبر/2022 - 07:41 م
ياسمين صبري ووالدها
بسمة خالد
كشف الدكتور أشرف صبري عن علاقته بـ ابنة الفنانة ياسمين صبري وأسرار من حياتها الشخصية قبل الشهرة وذلك خلال حلوله ضيفاً ببرنامج "قعدة ستات" المذاع على شاشة القاهرة اليوم.
ياسمين قبل الشهرة
فتحدث عن المستوى الجامعي للفنانة ومدى تعلقها بالرياضة قائلًا: "ياسمين مكنتش بتحب المذاكرة خالص.. كانت في جامعة بيروت والعميدة موجودة حتى الآن ممكن نتواصل معها.. كنت بتغيب كتير لأنها كانت بتحب الرياضة وتروح تلعب رياضة ، العميدة كلمتني قالتلي ياسمين مش بتحضر وهيحصل فصل روحت علشان الحق أصلح الموقف خصوصًا إنها كانت بتتفصل مرتين في السنة " .
دور الأب والأم
كنت الأم والأب
واستكمل الدكتور كلامه " والدة ياسمين صبري مكنتش موجودة طول الوقت ودائما يا في الكويت يا في إنجلترا، وكانت بتيجي أسبوعين في الشتاء وأسبوعين في الصيف، فكنت أنا الأب والأم ليها، وكنت بقرأ كتير في علم النفس عشان معاها ادخل في حياتها حتى الخاصة".
وأوضح مدى خوفه الكبير عليها أثناء فترة دراستها قائلا ً"كنت ديما بقولها قوليلي لو فيه قصة حب وانا انصحك وكان فيه قصة حب انا مش مرتحلها ليها في الكلية وكنت باجي على نفسي عشان اسمعلها وهي تيجيلي معيطة أقولها تعمل ايه وترد ازاي ولو عمل كذا يبقى مش بيحبك، كنت خايف أنها تتخطف مني في سكة أنا مش مرتحلها "
آخر أعمال ياسمين صبري
يذكر أن آخر أعمال الفنانة ياسمين صبري مسلسل "فرصة تانية" الذي عرض في السباق الرمضاني 2021، وشاركت فيه إلى جانب كلا من النجوم أحمد مجدي، ايتن عامر، هبة مجدي، دياب ومحمود البزاوي، ، محمد أبو داوود، نهال عنبر، أشرف زكي، إدوارد، أحمد الشامي، عمر الشناوي وغيرهم من نجوم الفن، وهو من تأليف مصطفى جمال هاشم وإخراج مرقس عادل.
اقرأ أيضًا..
