وجهت الإعلامية ياسمين عز رسالة خاصة إلى النجم البرتغالي كرستيانو رونالدو، وذلك بشأن تصريحاتها الماضية حول مطالبته بزواجه من صديقته جورجينا.

وقالت ياسمين عز في تصريحات تلفزيونية لبرنامجها "كلام الناس" المذاع عبر فضائية MBC مصر: "أنا بدعو لستر البنت وبالجواز والدلع مش الطلاق، عايزني أقوله خليك ماشي معاها سداح مداح، بقول له مفيش أجمل من الحلال والستر، وربنا عمره ما هيكرمك من غير جواز، شوف ميسي لما أتجوز ربنا كرمه ووصل للنهائي، وربنا يهدي جورجينا أم العيال ويصلح الحال".

وأضافت: "الناس بتقول رونالدو عنده 37 سنة وعجز وهيعتزل، عجز إيه اعقلوا الكلام، مفيش راجل بيعجز يا حبيبتي معروفة، وكل سن وله حلاوته والراجل تلاقيه 70 سنة ومش باين عليه هو ربنا خلقه كدا جيناته قوية".

وأردفت :" رونالدو مش عايز يتجوز جورجينا عشان متاخدش نص فلوسه لو اتطلقت وكمان أمه مش راضية، شوفوا رضا الأم دا أهم حاجة، وميقدرش يكسر كلام أمه ولا يقولها غصب عنك هتجوزها، وكلامي دعوة للستر ومش فاهمة الناس معترضين ليه على كلامي".

اقرأ أيضًا..

بعد استخدام البلوك.. القصة كاملة لخلاف سيرين عبدالنور ونادين نجيم

وفي وقت سابق قالت ياسمين عز في تصريحات لبرنامجها كلام الناس على قناة mbc مصر: "رونالدو قطع قلبي امبارح بعد البكاء، وحبيبته جورجينا كتبت له رسالة درس، وعلينا جميعا نتعلم منها، وكل تفصيلة فيها حلوة حيث قالت:" اليوم قرار صديقك ومدربك كان خاطئا، ذلك الصديق الذي طالما مدحته وأظهرت له الاحترام، لقد رأى كيف تغير كل شيء في المباراة عند مشاركتك، لكن الوقت كان قد فات".

وأكملت ياسمين عز حديثها عن كرستيانو رونالدو وطالبته بأن يتزوج جورجينا قائلة له: "ممرمطها معاك وعمرها ما اشتكت، وهي بتقول حاضر، اتجوزها وربنا يديك أكتر، ونشوفكم في الكوشة".