خطوات تطبيق سبا للجسم في المنزل
فيفي عبده: «رقصت بالجلابية عشان معنديش فلوس أجيب بدلة رقص وحاسة إني 25 سنة»
الأحد 01/يناير/2023 - 01:02 م
فيفي عبده
بسمة خالد
كشفت الفنانة فيفي عبده عن أول أجر تقاضاته مع عملها كراقصة، موضحة معانتها في بداية عملها وذلك خلال حلولها ضيفة سهرة ليلة رأس السنة، وتحدثت الفنانة فيفي عبده عن طفولتها قائلة ً "مريت بظروف صعبة ومعشتش طفولتي لدرجة إني رقصت بـ جلابية لأن مكنش معايا فلوس أجيب بدلة رقص،وبحاول أعيش حياتي وأعوض اللي فات ومش معنى إني جدة يبقى راحت عليا "
بطلب من ربنا أعيش زيادة
واسترسلت الفنانة حديثها "طول الوقت بطلب من ربنا إني أعيش وقت زيادة ويديني الصحة، أنا ربنا راضي عليا ورزقني بـ بنات صالحات، والأولاد دول نعمة ورزق في حياتها، وبيهتموا بيا ويراعوني يمكن لأني كنت بارة بأمي، وأنا أنا حماة حلوة جدا، ولو البنت عاملت حماتها زي امها بتاخد ثواب كبير جدا" .
كما تطرقت الفنانة للحديث عن الشائعات التي تلاحقها مؤخراً فقالت "موتوني وأنا عايشة، مش ممكن أتصور مع معجبيني ولا أعمل فيديو معاهم بمقابل ودي إشاعة من الإشاعات اللي بتطلع عليا، أنا عاملة زي الشجرة المثمرة بيتم ضربها بالطوب، والجمهور حطني في دماغهم عشان ده حب".
واستكملت حديثها "أنا معنديش استعداد أكبر وحاسة إني 25 لأني بحب الحياة زي صباح لأنها قدوتي، وبقيت صايعة في السوشيال ميديا وبقيت مش بتضايق من الانتقادات عكس زمان، ولكن السوشيال ميديا بتصدر لي طاقة سلبية وبقيت أحس أن الناس بتدخل في حياتي زيادة عن اللزوم الفترة دي " .
آخر أعمال فيفي عبده
يشار أن آخر أعمال الفنانة فيفي عبده كان المسلسل الرمضاني "شغل في العالي" والذي شاركت بطولته مع الفنانة شيرين رضا ، محمد رضوان، فريد النقراشي، ساندي مراد، من تأليف حسين مصطفى محرم ،إخراج مرقس عادل .
