أسباب تراجع عبور لاند عن قرار رفع أسعارها في الأسواق
رحاب الجمل: «أنا مهزقة في البيت وبسمع نصائح ياسمين عز» (فيديو)
الأحد 08/يناير/2023 - 10:22 م
نور أحمد
كشفت الفنانة رحاب الجمل عن طبيعتها في منزلها وفي التعامل مع زوجها والفرق بين هذا وبين شخصيتها في العمل.
وقالت الفنانة رحاب الجمل في تصريحات تلفزيونية عبر برنامج كلام الناس الذي تقدمه الإعلامية ياسمين عز على فضائية MBCمصر، إن شخصيتها تختلف كثيرًا عن كافة الأدوار التي قدمتها.
وأضافت :" أنا عندي شخصية بره البيت، لكن في البيت فيه تفاهم، لأن الأسرة والعيلة هي المكان اللي بتكوني ريلكس فيه ومرتاحة وقالعة الماسك".
وأضافت :" نا الحمد لله مرتاحة، وكتير بيفكروا أني صارمة وشخصيتي قوية، لكن بالعكس أنا في البيت مهزقة وهبلة أوي وتافهة وبلعب وأهزر، ومش بعدي حاجة إلا ولازم أتريق".
وعن والدة زوجها قالت :" أنا بحب حماتي جدًا كتير، حب على قد طيبتها واحترامها وحنيتها وأدبها وكلاس، وفيه أدب وشياكة ورقي، وأنت بتختاري الزوج لو مالوش خير في أم أبوه أوعي تفرحي دي مش شطارة لأنك مش هتكوني أغلى عنه منهم".
ونصحت رحاب الجمل الزوجات وقالت :" ما تتحشريش في اللي ما يخصكيش لأن مملكتك بيتك، ده ما يخصكيش خالص وده شفناه في أمهتنا وأجدادنا، وما تدخليش في اللي مالكيش فيه، لو ركزتي في حياتك هتتهني وتتبسطي".
وعن نصحية والدة زوجها لها قالت رحاب الجمل :" لو اتخانفت مع جوزي حماتي بتقول بلاش أتدخل لأن أي تالت بين الزوجين غير مفيد، فخلوها بتاعتكم لوحدكم، ولما الخلاف يخلص بين الطرفين بيدوب بسرعة، وتنتهي، لأن ده في النفس البشرية وأنا عملت بنصيحتها".
وفي سياق مختلف أكدت الفنانة رحاب الجمل على إنها تستمع للنصائح التي تقدمها ياسمين عز بشأن التعامل مع الرجال.
وأضافت :" أنا عاملة بنصيحتك في موضوع الدولاب..سبت الدولار لجوزي وأخدت الدريسنج روم كلها ليا".
