محافظ جنوب سيناء ووزير الأوقاف يفتتحان أعمال تطوير مسجد الصحابة بشرم الشيخ
«جواز النسايب» أزمة جديدة تواجه النساء وتدفعهن للصياح على فيسبوك
الجمعة 03/مارس/2023 - 10:02 م
ساندي جرجس
زواج الأقارب من أكثر الأفكار التي تكرهها وترفضها الفتيات عند التفكير في الزواج، ولكن ظهرت كمشكلة جديدة تواجه الفتيات في الوقت الراهن، وتندرج تحت فكرة الزواج من عائلة واحدة أو ما يسمى «زواج النسايب»..
زواج الأقارب مشكلة تواجه أزمة زواج الأقارب
وكشفت عن تلك المشكلة إحدى النساء بكتابة منشور تطرح من خلاله مشكلتها في إحدى جروبات النساء على موقع التواصل الاجتماعي"فيس بوك".
وكتبت المرأة: «انا متجوزه و بعد ما اتجوزت اخو جوزي انفصل عن مراته ف اتقدم ل اختي الكبيره و انا سعيت ليها جدا عشان هي اكبر مني ب كتير و كان نفسي تتجوز زي كل البنات وتفرح و هو كعريس مش وحش المهم دلوقتي بقا يحصلي مشاكل كتير ب سببها مثلا انزل اتفسح انا و جوزي فسحه غاليه شويه تقول اخوه و اخوه يقول امه و حماتي تقطمني ب الكلام حرفيا بقيت حاسه ان حماتي عايشه معايا لما بروح ابت عند ماما و لما ارجع لو جيبت لعبه ل ابني بيكونوا عرفين و انتو عارفين اهل الجوز مش بيكونوا احسن حاجه».
زواج الأقارب مشكلة النساء
وأضافت: «و اتكلمت معاها كتير ان متقولش حاجه عن حياتي مش لازم تعرف خطيبها ( اخو جوزي ) كل حاجه عني اكلت شربت جابت ف ردت عليا قالتلي اللي مش عايزني اقوله متعرفوليش انا مش هكدب و افضل ماسكه لساني و اتكلمت معاها كتير و مافيش فايدة بخبي عنها اللي اقدر عليه بس طبعا في حاجات بحكم انها اختي بتعرفها غصب عني، دلوقتي انا ندمانه علي اليوم اللي ادخلت في بالموضوع ده و طبلت فوق دماغي ده غير لو جوزي جاب حاجه عند اهلي و لا حاجه ليا تقوله بص اخوك ما تعمل زيه و مشاكل و حوارات بايخه بجد مش عارفه اعمل ايه».
تعليقات السوشيال ميديا
وكانت التعليقات تشير لخطأ الزواج من نفس العائلة وأنه اكبر الأسباب في حدوث المشكلات، حيث قالت زينب: «متعرفهاش اى حاجة عنك ولا تجيبي حاجة وانت عندهم سهلة».
إقرأ أيضًا..
وعلقت اسراء: «هو محدش قالك قبل كدة ان تاني اسوأ حاجة بعد جواز القرايب هو جواز النسايب».
وقالت روان: «طيب متحكيش اي رايك انا شايفه ده انسب حل وصدقيني ده احسن حاجه فالدنيا دلوقتي حيتك انتي وجوزك وبس حتي مامتك متعرفش بتاكلوا اي وبتشربوا اي لا حد يعرف الوحش ولا الحلو صدقيني ده احسن حل سواء اختك هتتجوز اخوه ولا لا خديها قاعده ف حياتك عامه».
كما علقت بسنت: «انتى إلى غلطانه من الاول انك مشيتى في حوار وانتى مش عارفه عواقبه و اختك تقولك مش هفضل ماسكه لسانى دة هبل ما المفروض ملهاش فيه ومش من حقها تقول حاجه انتى اقطعى انك تروحى و روحتى زياره خفيفه ومتخديش حاجه معاكى و قولى لمامتك أن ده هيخرب عليكى».
وقالت سلسبيل : «متحكيش اي فتفوته عنك ابدا طالما هي طبعها كده عشان هتبقي اسوأ لما تتجوز».
وعلقت مريم: «لا حط حد لأن الاسوء قادم خصوصا بعد الجواز مقارنة اكتر تعب اكتر فحط حد ودخلى ابوكى وامك الصعب قادم قادم».
وقالت رغدة: «عاوزه اقولك الي انيل من اختك خطيبها الي واخد طبع الستات و بينقل كل كلمه ده كده عرفتي اكيد سبب طلاقه».
