«إيه إللي يخليكي مبسوطة في الجواز؟» عروس تطرح السؤال على فيسبوك والإجابات مفاجأة

طرحت إحدى الفتيات المقبلة على الزواج سؤال للنقاش على موقع التواصل الاجتماعي"فيسبوك"، حيث سألت النساء الأخريات المتزوجات عن سر استمرارهن في الزواج وسعادتهن.

وكتبت الفتاة: «ما تيجوا نبعد عن الطاقة السلبية شوية والناس اللي بيكرهونا في الجواز ونتكلم عن الحاجات الحلوة وندّي البنات اللي مقبلين على جواز أمل ..بقالكم قد إيه متجوزين ؟ وإيه الحاجات اللي بتخليكم مستمرين وانتم مبسوطين في الجواز ؟».

وكانت ردود النساء والتعليقات إيجابية، حيث علقت ريهام قائلة: «متجوزه من سنتين الجواز حلو لو الطرفين مع بعض كويسين ومش بيجوا على بعض ومع بعض دايما ف الوحش قبل الحلو وفاهمين احتياجات بعض ..اللى بيخلينا مستمرين عشان قلبنا على بعض وقادرين نتحدى اى حاجه عشان بس كل واحد يشوف التاني مبسوط ولازم تخصصوا وقت ليكوا اعده حلوه خروجه سفر اى حاجه حتى لو باخر فلوس معانا مش مهم ربنا بيرزق المهم منحطش نفسنا تحت ضغوط الحياه وننسى نفسنا نفسنا ليها حق علينا هونوا على نفسكوا يابنات الجواز فيه الحلو والوحش زي حياتك قبل الجواز عادى بس الاهم انكوا تعرفوا تتعايشوا مع الحاجتين وخصوصا مع انسان يكون فاهم دا وفاهمك».

كما علقت اسراء: «بصي الجواز حلو جدا وجميل بس لو ( بره بيت عيلة - شخص محترم وسوي وبيقدرك - بتحبوا بعض بجد ) ساعتها فعلا الجواز تجربة حلوة ومشاكلها بتهون».

وكتبت منة: «انكم تبقى فاهمه انك في علاقه انسانيه زى اى علاقه تانيه ف الدنيا، فيها مشاكل ووقوع و فيها حب و حاجات حلوه.. وانك تدعى ربنا يهدى بينكم دايما».

وعلقت بوسي: «سنه الا شهرين تقريبا مستمرين عشان بنحب بعض وعشان في حاجات حلوه بينا بنفتكرها لبعض وبعيد عن موجه الزعل كل واحد فينا بيعمل اللي عليه وزياده والمواقف اللي بتثبت الحب بتكسب اللي بتهزه ف بنعدي لحد ما نفهم بعض».

كما كتبت ندى : «بقالى سنتين و ٨ شهور متجوزه فعلا احلى رزق ف حياتى يمكن اتأخرت ف انى اجيب بيبي بس هو فعلا مش محسسنى ب اى حاجه بالعكس لما بضعف بيفضل يقوينى ويقولى هانت ولسه صغيره و

بجد الحمد لله ع نعم ربنا».