مصطفى شعبان يروي كواليس دوره في «عائلة الحاج متولي»: لم أكن مقتنعًا به

تحدث الفنان مصطفى شعبان عن موقف طريف حدث معه أثناء تحضير دور سعيد خلال أحداث مسلسل "عائلة الحاج متولي" جعله مندهشا من أحداث المسلسل والدور الذي حقق نجاحًا كبيرًا خلال عرض العمل.

القصة كاملة لدور مصطفى شعبان مع نور الشريف

 
وأضاف في تصريحات خاصة: "اتصلت بالأستاذ نور الشريف لقيته بيضحك قالي إيه ملقيتش نفسك ولا إيه؟ قلت له لأ ده سعيد لسه طـفل ! قالي ما هو هيكبر قلت له وأنا هستناه لما يكبر؟ طب هو هيكبر امتى؟ قالي لا مش عارف والله اسأل المؤلف".

وتابع: "كلمت مصطفى محرم لقيته بيضحك هو كمان تقريبًا كانوا قاعدين مع بعض، لقيته بيقولي إيه ملقيتش نفسك؟ قلت له هو سعيد ده هيكبر إمتى؟ قالي والله ما انا عارف بس أنا مستلطفه أوي وهو صغير ، قلت له طب ما تكبره طيب ما يمكن وهو كبير يبقى ألطف".

وواصل: "المهم عملت الدور وأنا مش مقتنع بيه خالص، وبدأ رمضان واتعرض المسلسل وأنا لسه بصور دوري، لقيت العالم العربي كله بيتفرج وكلهم بيحبوا سعيد الصغير أوي، فأنا بصراحة حٰفت قلت اااه كلهم بيحبوا سعيد الصغير وأنا بقى هروح طالع لهم سعيد الكبير الرزل، يقفلوا المسلسل وتبقي دي نهاية مصطفى شعبان الحقيقية ولو حتى حبيت اشتغل محاسب بعد كده مش هعرف".

وزاد: "ذهبت للأستاذ مصطفى محرم تاني قلت له بقولك إيه أنا شايف ان الناس كلها حابة سعيد وهو صغير ما تكتر لنا في سعيد الطفل وطلعني أنا آخر حلقة قالي يابني ماتخافش ده أنا عاملك قصة حب محصلتش، قلت له اسمع كلامي بس يا أستاذ انا أمي نفسها بتقولي اوعى لما سعيد يكبر يبقى رزل".

عائلة الحاج متولي