يسرا تكشف مفاجأة عن فيلم «شقو» الجزء الثاني
صدمة على السوشيال ميديا بعد تداول فيديو هجوم قرش الغردقة
الجمعة 09/يونيو/2023 - 09:00 م
ساندي جرجس
تصدر مقطع الفيديو الذي تم تصويره على أحد شواطئ الغردقة، تريند مواقع التواصل الاجتماعي، حيث ظهر قرش من نوع خطير يهاجم سائحا روسيا أثناء السباحة بالقرب من الشاطئ، والسائح يستغيث دون جدوى.
وكانت تعليقات رواد السوشيال ميديا بعد انتشار الفيديو وتداوله، تدل على مشاعر الحزن والخوف والرعب حيث أطلق البعض على ما حدث أنه فيلم رعب"، بينما يحاول آخرون معرفة سبب مهاجمة القرش للضحية على الرغم أنه لا يهاجم البشر.
وعلقت ريهام: «أنا اترعبت جدا كأنه من فيلم وصوته وهو بيسثغيث ومات مرعوب ومتألم.. وبعدين الطريقة الوحشية اللي جابو بيها سمكة القرش ومش فاهمه اصطيادها هيفرق في ايه ولا هيعرفهم ايه بهدلة السمكة وقتلوها اصطيادها لا يفيد في شيئ».
وكتبت هاجر: «في حاجه غلط إحنا بنعملها بتخلي الحوادث دي تحصل عندنا؟ معرفش اذا كان في اي حاجات مشابهة حصلت في باقي الدنيا ولا لا ، بس اكيد في حاجه غلط».
كما علق محمد: «ده ف الطبيعى مبيحصلش بنشوف القرش كتير في الغطس والسنوركلنج أحيانا ومبيهاجمش أبدا بس ملاحظ الحوادث دى فى البحر الأحمر في الوقت ده من السنة أعتقد فيه عوامل مؤثرة على طبيعة القرش ممكن يكون السفن اللى بترمى حيوانات نافقه في البحر أو قلة السمك بسبب الصيد الجارف».
وقالت رغدة : «فيديو صعب جدا ربنا يرحمه ويحفظنا اللي فهمته إن دي مش طبيعة القرش وإنه مش مهتم بأكل البني آدمين لكن بيبقي مسعور و بيجي ناحية الشط بسبب السفن ال محملة مواشي و بيرموا حيوانات نافقة في البحر فبيحصل كل سنة قبل فترة عيد الأضحي غالبا».
كما علقت رانيا: «بس ده مش الطبيعي خالص أنا مستغربة أوي القروش مش بتهاجم بشر قريت سبب كانو بيرجحوه هو انه تجار المواشي بيرموا المواشي النافقة في البحر فا القروش بتتغدى عليها وبتتعود على الغذاء ده»
وقالت إيمان: «يقال إن الحوادث بتكتر في الفترة السابقة على عيد الأضحى لأن قبلها السفن التي تأتي بخراف العيد تلقي بالنافق منها في البحر وبالتالي تتغير طبيعة أكل القروش».
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
