وقالت رئيس قسم الارشاد البيطري، في منشورها على فيسبوك: "مش حقيقي أجنحة ورقبة الدجاجة البيضاء لا تسبب سرطان وليست محقونة هرمونات".

وأكدت أن أجنحة الدجاج والرقبة تؤكل بشكل عادي، طالما خالية من أي كدمات أو التهابات أو كسور أو أورام، وأوضحت: "مفيش هرمون استروجين والله بيتحقن فيها، اولا الهرمون دا حتي لو بيزود وزن الحيوان مثلا دا لو فرضا حد استخدمه ودا مش بيحصل بردو عندنا، ففي الدواجن ليس هناك استجابة اصلا لذلك، ولو فرضا بيجيب نتيجة عارفين بعد كام حقنه وخلال كام يوم، لازم حقن مرتين يوميا ولمدة لا تقل عن عشر ايام وبشكل فردي يعني كل فرخة علي حدا ودا من رابع المستحيلات". 

 

وتابعت رئيس قسم الارشاد البيطري: "عارف سعر الهرمونات دي ايه وصاحب المزرعه لو حتي اهبل وعمل كدا هيخسر كام  دا لو بس حقن كل فرخة 1مل، تخيل مزرعة فيها مثلا 10000 فرخة تحتاج تتحقن كل فرخة مرتين في اليوم .هتتكلف كام وعمالة اد ايه، طبعا محال". 

 وأكملت "نوح": "أكذوبة كبيرة حقن الجناح والرقبه الحقن الوحيد عبارة عن  أما تحصينات  بالوخز في الجناح زي تحصين الجدري ودا عامة ما بيتمش الا في الفراخ البلدي والحمام لان عمرها طويل وبتقعد سنين عندنا، أو  لو الفراخ مريضه تحقن بعض أدوية ومضادات حيوية  فقط وبيتم الحقن تحت الجلد  ودا اللي اوقات بنلاحظه من انك تلاقي جناح سمين.  او الرقبه ملتهبة احيانا  او لون الجناح ازرق او احمر داكن ويكون اما سبب كدمات وقت المسك او علاجات، مفيش هرمونات  النمو السريع والوزن الكبير لأن ببساطة هذا يردع اي سلالة الدجاج و أنواع الاعلاف والاضافات الطبيعية من املاح وبروبيوتك وخمائر ومحفزات نمو".