الأخصائية المثالية الأولى بجنوب سيناء ل هير نيوز: ما أنا إلا دعوة أمي
هويدا في دعوى خلع: «طردني بملابس المنزل»
الجمعة 09/يوليه/2021 - 10:23 ص
مشاكل زوجية
هاجر الصباغ
«طردني بملابس المنزل».. بهذه الكلمات بدأت «هويدا. ل» سرد قصتها أمام محكمة الأسرة في سوهاج، في دعوى الخلع ضد زوجها «عدنان. ح».
وقالت الزوجة «هويدا. ل»، في الدعوى التي حملت رقم 1867 لسنة 2021، إنها تزوجت منه منذ ست سنوات عانت معه فيها العذاب بجميع أنواعه من الضرب والإهانة والتجريح فيها وفي كرامتها والإذلال أمام الجميع.
أول سنة نعيم
وأضافت الزوجة:«بعد ما اتجوزنا قلت هعيش مع راجل كويس هيصوني ويحافظ علي وعلى كرامتي قدام الناس، وده لأنه كان مهندس وقضى معظم شغله في الخارج، بس من الواضح إنها كانت أول سنة نعيم وما عداها جحيم مستعر».
طردني من البيت
وتابعت: «كل يوم علقة أو اتنين الصبح وبالليل لحد ما وصل الأمر بيه إنه طردني من البيت بملابس البيت، والناس كلها كانت بتتفرج عليا، روحت بيت أهلي وحاولوا يرجعوني تاني ليه فقلت أكمل معاه، وأحاول إني أتفاهم معاه لعل الله يهديه».
اتجوز عليا
وأشارت إلى أنها بعد محاولات عديدة تمادى الزوج في طغيانه، وفي ذات يوم رجع البيت برفقة امرأة أخرى، وحينما واجهته أكد لي أنها زوجته وسيدتي التي علي خدمتها وتوفير جميع احتياجاتها وتنفيذ طلباتها دون نقاش.
واختتمت:«بصراحة المرة دي قلت أتوجه للقضاء لعل الحل يكون لديهم في تخليصي من هذا الزوج الجبار، وكمان أنا قولتله مش عايزة منه حاجة بس أهم حاجة أطلق منه، عشان أعرف أعيش بآدميتي».
