عامل يزهق حياة زوجته نتيجة الضرب والتعذيب في القليوبية
زوج في دعوى نشوز: «أنا مش مالي عنيها»
السبت 03/يوليه/2021 - 10:14 م
مشاكل زوجية
هاجر الصباغ
«كأن ملهاش راجل كل مرة تسيب البيت وتمشي».. بهذه الكلمات وقف الزوج «حسام. ح» أمام محكمة الأسرة في السيدة زينب في دعوى إثبات نشوز زوجته «حورية. ف».
وقال الزوج «حسام. ح» في الدعوى التي حملت رقم 7785 لسنة 2021، إن زوجته كانت دائمة الترك لمنزل الزوجية، رغم أنه يوفر لها كل ما تحتاجه أي امرأة أو زوجة من مطالب الزواج أو الاحتياجات المنزلية.
كأني مش مالي عنيها
وأضاف الزوج: «كأني مش مالي عنيها والله وأعلم كانت بتروح عند أهلها كل شوية تعمل إيه اتجوزتها من أربع سنين مقعدتش معايا فيهم إلا حوالي 10 مرات، وكل زوج بيحتاج لمراته عشان تعمله اللي هو عايزه، فكانت كل شهر تسيب البيت وتمشي بدون أي سبب، ولما أروح أرجعها كانت بترجع عادي وكل مرة على ده الحال».
وتابع: «لما كنت اسألها انتي بتسيبي البيت ليه يا مدام تقولي عايزة أغير جو هو الواحدة مننا مش لازم تروح عند أهلها تغير جو وتطمن عليهم، فارد عليها واقولها هو أنا بحرمك إنك تزوريهم منا بوديكي ولا هو أي حجة وخلاص».
رد الزوجة
من جانبها ردت الزوجة «حورية. ف»: «كل الكلام ده كلام فاضي البيه كان بيخليني أروح عند أهلي عشان هو ياخد راحته، بإقامة علاقات محرمة مع نساء أخريات، مفيش مرة وداني وجه خادني أنا اللي كنت برجع لوحدي»
وتابعت: «وفي مرة عرفت إنه اتجوز من أخرى ولما واجهته قالي هو انتي مفكرة إني بحبك أنا بس قاعد معاكي عشان انتي حياله مراتي اللي المفروض إني أمارس معاها حقوقي الشرعية».
شروط النشوز
وتتحقق شروط النشوز بخروج الزوجة عن طاعة زوجها وهجرها لمنزل الزوجية؛ الأمر الذي معه ينتفي شرط الاحتباس، ويعتبر أساس النفقة.
وتعد الزوجة ناشزًا في الحالتين التاليتين، بحكم المادة 5 من قانون الأحوال الشخصية:
أولا: يوجه الزوج إنذار بالدخول في الطاعة لزوجته فلا تعترض عليه في المواعيد القانونية "30 يوما من تاريخ الإنذار"، فإن انقضت تلك المدة دون الاعتراض تصبح الزوجة ناشزًا، ويحق للزوج إقامة دعوى لإثبات هذا النشوز .
ثانيًا: اعتراض الزوجة على إنذار الدخول فى الطاعة ويقضي فيه برفض اعتراضها بحكم نهائي في هذه الحال أيضًا يحق للزوج إقامة دعوى لإثبات نشوز الزوجة.
