حكايات مضحكة وراء صراع غسيل المواعين بين الأزواج
أثارت حكاية "مش مبسوطة" بمسلسل زي القمر الجدل الشديد بين رواد وسائل التواصل الاجتماعي حول مساعدة زوج الفنانة داليا مصطفى لها في الأعمال المنزلية وخاصة "غسيل المواعين".
الزوج وغسيل المواعين
وتناول موقع "هيرنيوز" رأي العديدات حول مشاركة الزوج في "غسيل المواعين" على وجه الخصوص دون الأعمال المنزلية الأخرى:-
ميعرفش مكان المطبخ
فقالت إسراء نصر: "أنا جوزي ميعرفش مكان مطبخنا فين".
مبيعملش حاجة
وأضافت أمال السيد: "جوزي قلبه حنين أنا بصعب عليه بس لكن مبيعملش حاجة".
في المناسبات بس
واختلفت عنهما بشرى حمدي قائلة: "جوزي بيساعدني دايمًا في غسيل المواعين بالذات في المناسبات عشان بيقدر حجم التعب فيها".
يغسلها أساسي
وقالت ابتسام: "لسه متجوزتش بس لما اتجوز هساعده في غسيل المواعين طبعًا".
بيحاسبني على المواعين
وأعربت سلوى أنور عن حزنها، قائلة: "جوزي آخره يشاورلي على المواعين ويقولي دول متغسلوش ليه وقرب يجيبلي مواعين الشغل اغسلها".