الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

«خطيبي بيحب أختي أعمل إيه؟!».. فتاة تسأل والتعليقات صادمة على جروبات النساء!

الثلاثاء 12/أبريل/2022 - 10:55 م
هير نيوز

طرحت إحدى الفتيات قضية تستحق النقاش على موقع التواصل الاجتماعي "فيسبوك" بأحد جروبات البنات التي تُعرض عليها المشاكل لأخذ النصيحة والآراء.

وكانت المشكلة تخص فترة الخطوبة، حيث تشعر الفتاة أن خطيبها يحب أختها ويتحدث عن أنه نادم على عدم الزواج من أختها بدلا منها، وكتبت في منشورها: «انا لسه مخطوبه من قريب ومفروض عن حب بس حصل حاجه خطيبي في الكلام قالي اختك دي بعزها جدا ودي اختي لو كنت عرفتها قبلك كنت خطبتها فاخدتها بهزار عادي جه مره تانيه يقولي اختك لو موفقتش علي العريس الي جايلها هسيبك واتجوزها هي وكلام من ده بس مش علطول يعني هو ليه مواقف كويسه معايا وفرحان بيا بس قلقت من كلامه ده».


وكانت التعليقات تنصح الفتاة بالابتعاد عنه وفسخ الخطبة لأن هذا الرجل من المتوقع أن يخونها مع أختها في المستقبل.

وقالت ليلى: «سبحان الله ربنا دايما بيبعت لنا علامات واحنا اللي بنغمض عنينا عنها ده بني آدم يستاهل تكملي حياتك معاه!».



وعلقت خلود: «ده قليل الذوق وهيتعبك لأنه مش بيشبع ولا عينه بتتملي ايه الرجاله دي يا ربي ما لو مش قد الجواز ولا قد الارتباط ما يتنيلوش على عينهم أصلا».



وقالت سمية في تعليق آخر: «كان في مشكلة من شوية نازلة واحدة بتقول إن جوزها بيحب اختها وعايز يسيبها ويتجوز اختها اهو ده خطيبك بس في المستقبل».



كما علقت شروق: «انا حاسه ان قلبي اتقبض لما تخيلت اللي ممكن يحصل ربنا يديك الخير صلي استخارة وتعالي على نفسك وابعدي دلوقتي اهون بكتير».

وقالت شيماء: «من رأيي مش هينفع تكملي هيعمل مشاكل بينك وبين اختك واختك اهم غير كده ده واحد دخل في جو مقارنة ومش مع اي حد لا مع اختك فللاسف في وقت ممكن يجي عليكي تكوني مضايقه او غيرانه من اختك ربنا يصلح حالنا وحاله».

وعلقت نور: «اوعي تكملي طبعا هيمرر عيشتك وهيعمل مشاكل بينك وبين اختك وشخص اصلا مش محترم».

كما نصحتها منة قائلة: «هيقارنك باختك دايما وطول الوقت وهتوصلي لدرجه انك تقولي هو انا وحشه هي اختي أحلى مني وهتكرهي اختك انتي سبيه دا مش محترم وربنا هيعوضك بإذن الله».

اقرأ أيضًا..

ads