الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

تامر عاشور يهاجم عمرو مصطفى: "عمرو دياب اللي صنعك واتكلم كويس عن فنانين مصر"

السبت 30/أبريل/2022 - 12:55 م
هير نيوز

تصدر اسم الملحن عمرو مصطفى، التريند عبر مواقع التواصل الاجتماعي، اليومين الماضيين، بعدما شن المتابعون هجومًا عنيفًا عليه، بعد تصريحاته التلفزيونية التي أدلى بها عن الهضبة عمرو دياب، والتي هاجمه من خلالها.





عمرو مصطفى والهضبة


ويبدو أن الهجوم الذي شنه عمرو مصطفى على الهضبة، لم يغضب فقط الجمهور الذي وصفه بكونه ناكرًا لجميل الهضبة؛ لأنه من قدمه للساحة كملحن، وأغلب نجاحاته كانت معه؛ حيث استفز ذلك عددًا من الفنانين ومن بينهم النجم تامر عاشور، الذي خرج للرد على الملحن الشهير.





جهل بالتاريخ


وهاجم عاشور، عبر صفحته على "فيسبوك" عمرو مصطفى، قائلا: "النجاح يعني أعمال مش كتر كلام وأقول هعمل وأسوي عايش أتريق على ده وده بقالي سنين - التاريخ جميل مفيش شك بس بيعتمد على الوقت يعني نقيم اللي شغالين دلوقتي لما يقعدوا نفس الزمن اللي انت قعدته ونشوف - لكن تقييم دلوقتي اسمه جهل بالتاريخ".





الملحن والمطرب


وأضاف: "(أ- ب) ملحن  يعني لازم مطرب يغني اللحن ده وإلا مكنتش هتبقى ملحن المطرب الأول ينجح بعد كده الملحن ينجح طبعًا مفيش كلام والملحن في حتته، والمطرب في حتته كل نجاح مختلف عن التاني".

وتابع: "ومش هاجيب سيره عمرو دياب  كتير بس هو الڤاترينة اللي قدمتك للناس بـ"خليك فاكرني " سنة 99 يعني كان عندك 13 سنة حسب كلامك مع الإعلاميه أسما إبراهيم - مش عامر منيب  اللي قدمك".


اقرأ أيضًا..





اتكلم كويس عن فنانين مصر


واستكمل: "عامر فعلا ليه فضل على كل الناس وأنا منهم بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل اسم من دول نلاقي أعمال تخض وتاريخ يزعلك شخصيًّا مش برامج وتخبيط وهخليهم يعتزلوا، ومحدش بينجح والكلام العجيب ده وفي الآخر تقولي مصر!! ما تطلع تتكلم كويس على فنانين مصر طيب  - وقصه نبضات القلب بتاعت الأغاني دي بلح- وهنغير الذوق العام هتغير  الذوق العام - بإيه هتغير الذوق العام  وماله أصلا الذوق العام - هو علشان بقى في حاجات بتنجح مش انت اللي عاملها بقى الذوق وحش!!  بالتخبيط في ناس تاريخ ووجه مصر حقيقي هتغير الذوق العام!!".





الهضبة والعالمية


واستطرد: "روح إدي أغنيه العالم الله دي لأي حد غير عمرو دياب مكانتش هتوصل للعالمية اللي انت فرحان بيها.. هي أغنيه تملي معاك محققتش عالمية؟.. أكتر أغنيه لعمرو دياب وصلت للعالمية هي تملي معاك ألحان "شريف تاج" مش ألحانك كلمات أحمد علي موسى.


السر في عمرو دياب


واختتم: "السر في عمرو دياب صدقني، والدليل إن كل أغانيك مع أي حد غير عمرو زيها زي باقي الأغاني ولا راحت عالمية ولا حاجة، ود مينقصش من فنك ولا موهبتك ومش عيب إحنا ثقافة وجمهور كبير والعالم كله بييجي دلوقتي يعمل في عالمنا أغاني وحفلات "متستقلش" وكلامي على عمرو مصطفى".


اقرأ أيضًا..

ads