«بحبك» يحقق أعلى مشاهدات في تاريخ السينما العربية.. وهكذا علق تامر حسني

احتفل الفنان تامر حسني عبر حساباته الخاصة بمواقع التواصل الاجتماعي بإيرادات فيلم " بحبك" فنشر على "فيسبوك" و"إنستجرام" تقريراً صادراً عن شركة أورينت الدولية المسؤولة عن توزيع أفلامه عالمياً، مؤكدًا أن فيلم "بحبك" حقق أعلى حضور جماهيري لفيلم عربي على مستوى العالم.

حضر الفيلم 2 مليون و600 ألف شخص فى شهر ونصف، ويعد رقم أول من نوعه، كما اقتربت إيرادات فيلم بحبك من 600 مليون جنيه وتعد ظاهرة أولى من نوعها في تاريخ السينما العربية، وهو من إنتاج شركة سينرچى وفيلم سكوير وسكاى ليميت وTh برودكشن.

وشارك تامر حسني جمهوره هذه المناسبة من خلال رسالة قال فيها: "الحمدلله من جد وجد وربنا بيكرم على قد التعب، الحمدلله عشان نجحت وحققت الإنجازين دول وأثبت إني كنت شايف صح وصاحب رؤية وشخصيه فنية مستقلة مبتمشيش غير ورا قناعتها اللي بتتبني بعد دراسه كبيرة للأشياء حبيت أقول للشباب مفيش مستحيل".

وتابع: "بقول الكلام دا عشان يكون قدامكو عبرة واضحة تخليكو متيأسوش ودايماً عندكوا أمل ولا يهزكوا أي حروب وأحقاد وناس مأجوره كل دا (( بلح )) جانب الاجتهاد الحقيقي، والانسان لما يبقى عنده تحدي قوي مؤمن بيه، اللي بيطلع من القلب بيوصل للقلب ولا يصح الا الصحيح، واوعى تفتكر إن في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك".

وأضاف: "شكراً سينرچي وسكاي ليميت وفيلم سكوير وth برودكشن وأورينت الدولية انكم صدقتوني لما قولتلكم إن شاء الله هنعمل إنجاز تاريخي بفيلم رومانسي في عصر العنف والقتل، وهنرجع نحب ونرجع المشاعر تاني، أهو الإنجاز بقى إنجازين رقم عمري ما طلبته من ربنا لإنه عمره ما ييجي في خيالي".

واختتم: "كنت أطمح في ربعه وعدد زوار الفيلم ربنا كرمنا وفخور كل الفخر بأن اعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويريه وإخراجي، الحمدلله ومليون مبروك لجميع أبطال وصناع الفيلم، وكل الشكر الجمهور المصري والعربي والعالمي اللي شرفنا وتسبب في هذا الحدث العظيم في حياتي".