الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

عاملة النظافة تروي تفاصيل التحرش بها في روض الفرج: «كتم نفسي وحاول يجرني لمدخل عمارة»

الخميس 24/نوفمبر/2022 - 09:43 م
هير نيوز

كشفت عاملة نظافة روض الفرج، في أقوالها أمام وكيل نيابة روض الفرج تفاصيل كثيرة تفيد تعرضها للتحرش من قبل عاطل ووقفت ودموعها تسبق كلامها والخوف يتملك جسدها وهي ترتعش من شدة الخوف روت تفاصيل ماحدث لها.

تفاصيل القصة


وقالت عاملة النظافة: "انا بشتغل عاملة نظافة في شركة بمدينة نصر ويوميا اصحي بدري في الفجر وأنزل من منزلي الكائن بشارع مطر في روض الفرج وكالعادة بمشى حتى اطلع من الشارع حتى أجد مواصلة لمقر عملي لكن في اليوم ده لاقيت شخص ماشي ورايا".



"وحسيت إنه بيراقبني فخفت وهديت في مشيتي علشان أشوفه هيعديني ولا ماشي ورايا فلقيته عداني ودخل حارة متفرعة من الشارع وانا كملت مشي ولما جيت عند الحارة لقيتة واقف وبيقولى فيما معناه متیجی انام معاکی فانا خفت وجريت رجعت ناحية البيت ثاني من الخوف وافتكرت أن في سوبر ماركت بيبقي فاتح جنب بیتی فقولت ارجع علشان أقف عنده".



وأضافت: "لقيتة جاي بيجرى ورايا ومسكنى وحط ايده على بقى وكتم نفسي ومسكني من رقبتی جامد وقعد يشد فيه عشان يدخلني مدخل بيت في وانا قعدت أزق بايدي الاتنين فيه لحد لما عرفت اصوت وفي الوقت ده واحد ومراته خرجوا من البلكونة والراجل فضل يزعق ويقول في ايه ساعتها الشخص اللي كان ماسكني سابني وجري بسرعة وبعدين الراجل اللي طلع من البلكونة حدفلى ميه وبعدين طلعت على الطريق وركبت ورحت شغلي ولما رجعت رحت القسم علشان اعمل محضر وهناك قالولى هنشوف الكاميرات ونكلمك وتاني يوم كلموني من القسم وقالولى تعالى علشان تعملى محضر بعد ما اتأكدو من كلامي".

وتم معرفة هوية الشخص وتحديد مكانه وألقي القبض عليه واعترف بما جاء في أقوال عاملة النظافة وأضاف قائلا: "أنا كنت تعبان جنسيًا وهي كانت حلوة اوي لذلك لم أستطيع أن أتمالك أعصابي وهجمت عليها".

اقرأ أيضًا..

ads