مع استقبال شهر رمضان الكريم، آثارت المذيعة ياسمين عز، الجدل كعادتها من خلال تصريحات مستفزة للكثير من النساء، عبر برنامجها "كلام الناس" المذاع على قناة "mbc" مصر.

وقالت ياسمين، في إحدى حلقات البرنامج مقدمة نصائح للنساء قبل رمضان: «احذفي من قاموسك سؤال اعملك ايه على الفطار وبدلا من ذلك قولي اعملك ايه يا حبيبي يا نور عيوني يا فرعونا يا مأكلنا ومشربنا على الفطار، هو ممكن ينسى عاوز ياكل ايه بعد وصلة الشعر دي».

وأضافت: «عيب عليكي بعد كل العشرة دي مش عارفه هو بيحب يأكل ايه ده بيبقى اكل محروق ورز معجن وحبيب قلبنا بيكتم في قلبه وفوق كل ده بيقولك تسلم ايدك يا حبيبتي، قوليلي عايزة ايه في الدنيا تاني اكتر من كده وسبيه متزوديش همه في أول اسبوع من رمضان لانه يعاني من نقص الكافيين ولا عارف يشرب قهوته ولا شاي».

وتابعت ياسمين عز: «لو عايزة حاجة من حبيبك وتاج راسك اطلبها منه قبل ما يرجع البيت عشان اول ما يرجع عشان يرجع يرتاح محبكتش طلباتك الي مبتخلصش، وبلاش تتفرجي على المسلسلات على شاهد قبل ما تنزل على التلفزيون وتحرقيله الأحداث قبل ما يشوف الحلقه».