الجمعة 29 مارس 2024 الموافق 19 رمضان 1445
رئيس مجلس الإدارة
خالد جودة
ads
رئيس مجلس الاداره
خالد جوده

بعد أزمة أنغام| هل دفعت شيرين عبد الوهاب مدير أعمالها للتخلي عنها؟

الإثنين 29/مايو/2023 - 12:07 م
شيرين عبد الوهاب
شيرين عبد الوهاب

أعلن إيهاب صالح مدير أعمال الفنانة شيرين عبد الوهاب انتهاء فترة إدارته لأعمالها، وذلك بعد وقت قصير من إحيائها حفلها الغنائي في جدة.


مدير أعمال شيرين عبد الوهاب


وكتب إيهاب صالح عبر حسابه الرسمي في موقع تويتر: "جمهور شيرين العظيم، الحمد لله علي نجاح حفل جدة كما كان متوقع وده العادي بتاع شيري في أي حفلة.. أجلت الإعلان عن القرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الاول وطبعا بعد كدة ليا.. قررنا إن من الأفضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين ولينا أسبابنا".



وتابع: "مبروك وشكرا يا شيري من كل قلبي ويا رب أكون كنت على قد وعدي وكلمتي ليكي انى دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الألبوم على أبواب ومتأكد إنه هينجح نجاح غير عادي.. فرحان بشكل ملوش وصف بنجاحك ورجوعك بالقوي دي وده إللي اتعودنا عليه منك طول السنين دي.. أنا كدة كدة دايما موجود زي مانتي عارفة وربنا يديم كل اللى بينا على خير وأسف لو في أي لحظة كنت قصرت معاكي بأي شكل".



وأضاف: "أحب أشكر كمان جمهورك أكيد اللي مشوفتش منه غير كل خير وحب، شكرا بجد من كل قلبي. طبعا وأكيد شكر كبير للمستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو وقد إيه كان مهتم بشيرين ومقدر قيمتك وتقديرك بشكل يليق بيكي صوت إحساس العرب وده مش غريب عليه ودايما في ضهر كل الفنانين العرب كدة كدة.. دي شهادة حق لازم تتقال".

واختتم إيهاب صالح حديثه قائلا: "ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة.. أتمنى التوفيق لمديرين الأعمال الجايين وأدعمهم دايما بأي شكل أكيد عشان تفضلي دايما على القمة".

يشار إلى أن إيهاب صالح، كان قد أبدى غضبه واستيائه بسبب الجدل بين جمهور النجمتين شيرين وأنغام، والأحق بينهما بلقب "صوت مصر"، مشيرًا إلى أنه من حق معجبيهما الدفاع عنهما لكن بطريقة مختلفة و"أرقى" من ذلك.



شيرين في جدة

يذكر أن شيرين شاركت مؤخرًا في حفل روائع الموجي الذي أقامته هيئة الترفيه بالمملكة برئاسة المستشار تركي آل الشيخ، على مسرح أبو بكر سالم بالبوليفارد رياض سيتي، وغنت شيرين خلال الحفل أغنية أنا قلبي ليك ميال، كما أحيت حفلًا ضخمًا في دبي شهر أبريل الماضي.

اقرأ أيضا..

مدير أعمال شيرين يرد على جدل «صوت مصر الأول» وعلاقتها بأنغام



ads