رامز أمير يتحدي العواصف الترابية ويحتفل بزفافه والصقر على كتفه

احتفل الفنان رامز أمير بزفافه، أمس الخميس، بحضور عدد من الأهل والأصدقاء، على الرغم من العاصفة الترابية الشديدة التي كادت تعصف بالترتيب للعرس إلا أن حفل الزفاف أقيم في موعده.

وانتشرت صور من حفل الزفاف على مواقع التواصل الاجتماعي، لتؤكد تحدي رامز أمير للعاصفة واستكمال حفل الزفاف كما يجب أن يكون، وسط تهنئة من جمهوره على السوشيال ميديا.

و تحدث رامز أمير، في وقت سابق عن بعض تفاصيل فيلمه الجديد "الجارح" الذي يعود به للجمهور ليجدد نشاطه الفني.

وقال رامز في منشور له على موقع التواصل الاجتماعي فيسبوك: « الناس اللى متابعانى عارفة قد إيه أنا بحب شغلى وإنى دايما بختار لنفسى الطريق الصعب اللى محدش مشى فيه قبل كده، وهى دى متعتى، انى اتعب لأن بالنسبالى التعب هو اللى بيدى طعم للحياة».

وأضاف: «بعد الاكشن اللى عملته اتقالى كلام كبير اوى عليا حملنى المسؤلية، فكان لازم اتعب اكتر واشتغل على نفسى اكتر، المرة دى انا جايلكم بفكرة مجنونة حبتين، فيلم " الجارح "، الفيلم ده اخد منى مجهود وتعب لمدة سنتين، كانت الخطوة الأولى». 

وتابع رامز أمير: «الاهم اننا نكتب فيلم محترم مش مجرد شوية اكشن وخلاص، الخطوة التانية انى اطور نفسى فى الاكشن اكتر وادرب الطير اللى هيبقى مفاجأة فى الفيلم ان شاء الله، الطير الجارح ده اسمه العقاب وده من اشرس الكائنات اللى ربنا خلقها وتدريبه صعب وخطر جدا، ابتديت معاه من الصفر عشان اعلمه يقف قدام الكاميرا ويعمل اكشن معايا كمان، يمكن فى ناس تقول عليا مجنون بس الحقيقة انى مجرد واحد بيحب يجتهد ويتعب، ربنا هو اللى ادانى النعمة دى ودى نعمة كبيرة اوى انك تستمتع بالمشوار اللى بتمشيه عشان حلمك. الحمد لله».