خصصت الإعلامية رضوى الشربيني جزءا من حلقتها للحديث عن العلاقت العاطفية، وأسباب النجاح والفشل فيها، وذلك عبر برنامجها "هي وبس"، الذي تقدمه على فضائية " cbc سفرة"، وعن أسباب استمرار العلاقة من عدمها.

وأيضا عن أسباب فشل العلاقات العاطفية والتى يكون أغلبها رد فعل عكسي لما تقوم به الفتيات وتبذله من مجهود لإنجاح العلاقة، ولكنها تتفاجأ بابتعاد حبيبها عنها.

رضوى قالت عن طبيعة العلاقة بين الرجل والمرأة وكيفية التوافق والرضا بينهما، "بالنسبة لي يستحيل أفكر في كيفية إرضاء الراجل، اللي يحبك يتقبلك زي ما انتي وهيكمل معاكي".

خليه يحس انك متمسكة بيه

وأضافت، "لو الرجل يريد لبن العصفور وهو جالس في منزله ولم يتحرك، يقوم هو يحبك ويقع في غرامك ويحس إنك مقطعة نفسك علشانه، ولازم تحسسيه إنك مش هتقدري تعيشي من غيره وإن النفس اللى انتى بتتنفسيه ده مرتبط بيه وانك هتموتي من بعده وهتقطعي شرايينك وتنتحري".

وقالت: "خليه يحس قد ايه انتي متمسكة بيه وإن ولائك ليه يقوم يحبك ويقع في غرامك ويتجوزك، وابقي قابليني وقولي عليا مبفهمش لو عملتي الكلام دة وقعد معاكي شهرين على بعض.. ازاي أصلا أشوف وأفكر ازاي الراحل اللي في حياتي يحبني إن شاء الله ما عنه حبني".

يحبي على بعضي باكدج

وتابعت: "اللى يحبني يحبني على بعضي بشكلي وطريقتي وبصوتي الهادي أو صوتي العالي وبشغلي وطريقة لبسي، ولازم يعرف إنه هيحب الباكدج على بعضه وساعتها هيتشال فوق الراس، لو مش هتحبني كدة في ملايين من الرجالة على كوكب الأرض غيرك يحبوني وهعرف أحبهم".

واختتمت: "مستحيل أفكر إزاي أرضي راجل، اللي يحبك يبقى زي ما انتي ياما بوسة كبيرة لبابا ولماما وطنط واحنا مش عايزينه، وأي بنت بتعمل العشر حاجات اللي قولت عليهم يبقى تأكدي أنه ماشي ومش هيكمل معاكي".

 اقرأ أيضا..

أبرز التصريحات المثيرة للجدل للإعلامية رضوى الشربيني