كيف أقوم سلوك طفلي الاعتمادي؟ 5نصائح مثمرة
«ممكن تتجوزي شخص اتعرفتوا على السوشيال ميديا؟» سؤال يثير الجدل بين البنات
الخميس 06/يوليه/2023 - 05:01 ص
ساندي جرجس
طرحت إحدى الفتيات سؤال للنقاش على جروب للبنات فقط على موقع التواصل الاجتماعي "فيسبوك"، حيث أرادت ان تحصل على آراء الفتيات عن الزواج عن طريق مواقع التواصل الاجتماعي والتعرف على الشباب من خلالها.
الزواج عن طريق السوشيال ميديا
وكانت تعليقات البنات صادمة على منشور الفتاة، تؤكد أن الكثير منهن أصبحوا يفضلن الزواج والتعارف عن طريق السوشيال ميديا، ولم تعد تلك الطريقة غريبة أبدا.
وقالت سلمى : «محدش بقي بيتجوز غير من على السوشيال ميديا حضرتك»، كما علق جنا: «هتفرق ان كنتوا اتعرفتوا على بعض عن طريق النت او عن طريق مقابله صدفه او مواصلات او الطريق او كان بناء ترشيح احدهم».
وعلقت سمر: «دى كلها طرق لبداية التعارف فقط بينكم
المهم انه يتم تعارف واضح وتفاهم وتوافق في التفكير وفي الرأى العبره بالنهاية».
بينما قالت أميرة : «عادى طبعا المهم التوافق والامانه بين الطرفين والمحبه ماهو زيها زى اى وسيلة تعارف ايه الغريب فيها».
ولكن كتبت كاتي: «ده تبقى متجوزه ابن عمها اللي ساكن اول الشارع ومتربيين مع بعض وبيروحوا محاكم الاسره اخذ اللي ما اعرفوش ازاي».
وعلقت مريم: اه جدا طبعا ايه المشكله يعني ؟؟ هو السوشيال ميديا ده مثلا مكان مشبوه يعني و لا لاسمح الله مكان يغضب ربنا في حاجه».
وكتبت ريم: «مش صح لان فيه شباب بتدخل وبتعمل أنها تتعرف عليكي وتتكلم معاكي وتوهمك أنهم جادين وتطلع في الاخر بيتسلوا ووقت الجد خلاص مش بيكملوا».
بينما علقت نور: «هو متبقاش العلاقة كلها من السوشيال بس لكن ممكن بداية وبعدين تعامل مع بعض مباشرة ايه المشكلة ».
وقالت هايدي : «ياريت عادي جدا السوشيال ميديا زي الصالونات بالضبط ويمكن افضل»، كما كتبت ديانا : «انا متجوزة من على النت الحمد لله بقالي ٣ سنين ولسه مكملين ».
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
