نيللي كريم تلوم انتصار على تصريح "بتاعة باليه": مش جاية من الشارع

وسألت المذيعة في النشرة عبر قناة "العربية" الممثلة نيللي كريم عن رأيها في تصريحات الممثل باسم سمرة الأخيرة في برنامج المقالب "رامز جاب من الآخر" في رمضان 2024. 

وسألت المذيعة: "مش هقدر ماتكلمش معاكي عن موضوع باسم سمرة .. لما طلع مع رامز وقال إنك اتعلمتي منه التمثيل وكان زعلان إن فيه مسلسل هيمثل معاكي فيه وبعدين انتي اختارتي تاخدي زوجك .. انتي التزمتي الصمت من البداية فـ أيه تعليقك بما إن الموضوع متجدد؟". 

بينما ردت نيللي كريم قائلة: "آخر مرة اشتغلت مع باسم كانت في "ذات" وبعدها مجتش فرصة نشتغل في أي عمل فـي اللي هو حكاه ده ماحصلش .. لكن إن باسم يقول إن أنا اتعلمت منه تمثيل فـ أنا بتعلم كل يوم". 

اقرأ أيضا.. 

وعن دورها مع انتصار في مسلسل "ذات"، تحدثت نيللي كريم خلال لقائها عبر قناة "العربية": "بتعلم من المخرج لو أول مرة أشتغل معاه، بتعلم من الممثل ودي حاجة مش عيب، آه اتعلمت من باسم لأنه أستاذ كبير ومسلسل "ذات" كان مهم ودور يخض فاحنا الاتنين مع بعض وإني أتعلم منه ده شيء مش عيب". 

وعن تصريحات انتصار، لامت نيللي كريم صديقتها على تصريحاتها قائلة: "أنا بس بلوم على انتصار إنها قالت "بتاعة باليه .. وجت " هو بتاع الباليه ده مش ماشي في الشارع .. دي أكاديمية فنون ومعهد باليه وأنا كنت دارسة إخراج مسرح فمش جاية من الشارع .. أنا دارسة باليه وموسيقى وفن مع دكاترة كبار". 

بينما وجهت نيللي كريم رسالة إلى انتصار: "محبتش الطريقة دي .. لكن أرجع أقول أنتو أساتذة كبار وأنا تعلمت واتشرفت وعايزة أحيي انتصار على دورها اللي عملته في مسلسلها الأخير كانت رائعة .. وبس". 

اقرأ أيضا..