شركة «تنميه» تحصد جائزتي "أفضل مؤسسة مالية لتمكين سيدات الأعمال" و"أفضل مؤسسة للتمويل متناهي الصغر في مصر لعام 2024 "وفقاً لمجلة The Global Banking & Finance Review
للأمهات.. 3 خطوات للاستفادة من "فتافيت وقت الراحة"
السبت 02/أكتوبر/2021 - 07:02 م
عبدالله أبو الخير
"الأم" كلمة تعني الانشغال والتضحية لأجل الأبناء ومن بعدهم الزوج، تنسى نفسها في سبيل إسعادهم، من أول حملها وتعبه ثم إنجابها وتربيتها وغيره مما مر بجميع أمهاتنا، وهو أكبر أن تعبر عنه الجمل وتصفه الكلمات.
فتافيت الوقت
وتقول الدكتوره نانسي ماهر خبيرة العلاقات الأسرية ومرحلة المراهقة: إن أغلب الأمهات -إن لم يكن جميعهن- يتمتعن بثقافة " فتافيت الوقت": "يعني الأمهات بتعاني من صعوبات كتير؛ إنها تلاقي فرصه تقعد لوحدها -بعد الشر- تشرب حاجة براحتها لا قدر الله، تاكل حاجة بتحبها، تخلص مشاوير وراها إن أمكن، تروح شغلها أساسًا، وتشتغل بتركيز دي معجزه".
وتابعت ماهر: "تذاكر أحيانًا أو تقرأ حاجة بتحبها، تقعد مع جوزها أحيانا؛ يااااااا سلام؛ وتحاول تفتكر أيام ما كانت على راحتها زمن الدلع الجميل، كل ده بيتحول لفرص فرص بتنتهزها في أقل الأوقات وأضيق الفترات، فرص ما بتصدق تلاقيها أساسًا، وبتتمنى قوي تستفيد منها".
كيف تستفيدين من فتات الوقت؟
وأكملت ماهر: "وعلشان نستفيد من فتات الوقت ده ممكن نعمل ٣ حاجات":
١. ندور على الفتافيت ونبص لكل دقيقة إنها فرصة ممكن نعمل فيها حاجة.
٢. نظبط الفتافيت المنتظمة (يعني وقت تمارين بعد نومهم (لو ناموا وقت لعبهم أو انشغالهم بحاجة… إلخ) ونحاول نستفيد منها.
٣. نقرأ وندور ونبحث عن طرق ذكية تخلينا نكبر الفتافيت دي ونعرف نخلق وقت أطول لنفسنا، وأنشطة ظريفة تناسب وقتنا الضيق".
