كشفت الفنانة وفاء السيد عن عودتها للمسرح من جديد، بعد غياب سنوات، وظهورها للجمهور من خلال ذلك العرض بشخصية جديدة لم تقدمها من قبل، جاء ذلك خلال حوارها ببرنامج مساء dmc.

وتحدثت الفنانة عن رغبتها في أداء أدوار التراجيدية قائلة: "وانا في الجامعة كنت بعمل أدوار تراچيدي، أنا معايا ليسانس آداب قسم مسرح، وواخدة ممثلة أولى جمهورية جامعات على حلم الصيف وكنت بعمل بدور تراچيدي، مفيش كوميدي خالص".

واسترسلت كلامها: " ولما جيت القاهرة عملت أول حاجة اللي هو الف ليلة وليلة، وحجموني في الأدوار دي ومعرفتش اطلع منها، مع أن التراچيدي سهل بس هما مش مقتنعين بكده، شايفني كوميديانة بس عشان الكوميديا أصعب إن أضحّك، ونفسي أعمل تراچيدي".

وكشفت الفنانة عن أعمالها القادمة فقالت " بحب اللغة العربية الفصحى، وبعمل دلوقتي مسرحية مع مداح الرسول الدكتور أحمد الكحلاوي، وهي اجتماعية بس فيها ديني ومدخلين احاديث عن الرسول عليه الصلاة والسلام، واسمها حارة الطيبين".

وتطرقت الفنانة للحديث عن دورها في حسن ومرقص فقالت " عملت في حسن ومرقص البنت اللي ممكن تتجوز وان في عريس قدامها اللي هو الاستاذ محمد إمام بس هي فيها ديفوهات يعني، لكنه من الأدوار اللي محببة إلى قلبي وساب علامة مع الجمهور".

وتابعت "وكل الأدوار أو معظمها بتبقى في الكتابة حاجة ولما بتشوفوها بتبقى حاجة تانية، وبقعد اركز واهتم بالدور وبالحب مع المخرج ونجم العمل اللي بيسيب مساحة فـ الحمد لله بيوصل الحب ده للجمهور وبتثبت الشخصية".

وأنهت كلامها قائلة "بقعد افكر وببقى مهمومة إن أنا اوصل للحالة فـ ببدأ افكر في الشكل الخارجي والداخلي وبعدين لو هعملها ديفوه أو لازمة في الكلام، في الماشية، في الحركة والملابس، والمكياج وطريقة الشعر، والسنان ممكن نشوه فيها وببقى مهتمة جدًا والحمد لله بمساعدة المخرج بنوصل لحاجة جميلة".

اقرأ أيضًا..

جينيفر لوبيز: «اسمي القانوني أصبح السيدة أفليك.. وأعتقد أن هذا رومانسي»

يشار إلى أن الفنانة وفاء السيد قد شاركت مؤخرًا في موسم دراما رمضان 2021، بعملين دراميين، وهما: مسلسل ملحمة موسى بطولة الفنان محمد رمضان، ومسلسل نسل الأغراب بطولة الفنان أحمد السقا.