الإثنين 26 فبراير 2024 الموافق 16 شعبان 1445
رئيس مجلس الإدارة
خالد جودة
ads
رئيس مجلس الاداره
خالد جوده

من أرشيف محكمة الأسرة| جوزي ضربني وعلقني مكان المروحة

الأربعاء 03/مايو/2023 - 10:25 ص
محكمة الأسرة
محكمة الأسرة

أمسكت "شيماء" بطفلتيها الصغيرتان في جانب مظلم من مداخل محكمة أسرة مدينة السادس من أكتوبر، التي تعج بالمارة والمترددين على القاعات لإيجاد حلول لمشاكلهم التي تؤرق نومهم.

ظروف قاسية

تروي شيماء معاناتها والظروف القاسية التي مرت بها بعد إقامتها دعوى خلع ضد زوجها: "اتجوزت إبن الجيران وأنجبنا بنتين، وكنت شايفه أنه فارس أحلامي، بعد الجواز اكتشفت إني متجوزة حرامي بلطجي، غير أنه كان بيضربني كل يوم كأنه روتين يومي ميعرفش يبدأ يوم إلا بضربه ليا".




وتابعت: "اكتشفت بعدها أنه بيتعاطى مواد مخدرة بكميات كبيرة وأنه وصل لمرحلة الإدمان، وكل ما يشرب يعتدي عليا أنا والبنات، وفي يوم حاول يولع في والدتي ودلق عليها بنزين والجيران لحقوها".

وأكملت: "مش بيشتغل معتمد على السرقة والبلطجة علشان يصرف على كيفه، في يوم طرد أمي من البيت علشان بتنصحه وتقوله فوق لمراتك وبناتك، كنت بنزل شتغل في البيوت علشان أصرف على أولادنا ونمد إيدينا لحد".

قرار الانفصال

وأردف : "قررت انفصل عنه ورفعت قضية خلع تحمل رقم 1082 لسنة 2022 أسرة 6 أكتوبر، وفي يوم راجعه من الشغل خطفني وطلعني الشقة بالعافية واحنا طالعين على السلم كان بيخبط دماغي في الحيط مع كل سلمة نطلعها، دخلني الشقة خلع ملابسي تماماَ وعلقني مكان المروحة وضربني بشومة، وبدأ ينادي على الجيران عشان يعملي قضية زنا".



واختتمت شيماء: "النجدة أخدتني من تحت إيديه بموت واتلفيت بالملاية وأنا نازلة بعد ما رمى هدومي في الزبالة"، ولجأت لرفع دعوى قضائية تحمل رقم 5684 جنح ثالث أكتوبر لسنة 2023، ودعوي خطف وضرب تحمل رقم 2386 لسنة 2022.


اقرأ أيضا..

من أرشيف محكمة الأسرة| ضربني عشان مش بيحب الشوكولاتة



ads