السبت 20 أبريل 2024 الموافق 11 شوال 1445
رئيس مجلس الإدارة
خالد جودة
ads
رئيس مجلس الاداره
خالد جوده

ريم طارق تخرج عن صمتها وتكشف سبب طلاقها من شاكوش «الخيانة في نهار رمضان»

الثلاثاء 18/يوليه/2023 - 12:00 م
ريم طارق
ريم طارق

يبدو أن خلافات حسن شاكوش مع طليقته ريم طارق لن تنتهي، فمنذ بداية زواجهما وقد أثارا الجدل بسبب سجدة يوم الفرح ثم توالت بعد ذلك الفضائح وخروج الأسرار بداية من برنامج "العرافة" تقديم الإعلامية بسمة وهبة، مرورًا بأنباء طرد حسن شاكوش لزوجته من فيلته، واختتمتها طليقة حسن شاكوش بالظهور إعلاميًا لكشف المزيد من الأسرار والخبايا عن أسباب طلاقها منه.



ريم طارق طليقة حسن شاكوش


كشفت ريم طارق طليقة حسن شاكوش، وذلك أثناء حلولها ضيفةً في برنامج 90 دقيقة، الذي تقدمه الإعلامية بسمة وهبة، عن العديد من الأسباب التي دفعتها لطلب الطلاق من مطرب المهرجانات الشهير حسن شاكوش،  أنها اكتشفت خيانته لها، وقالت: "كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت، كتبت له: (إنت وصلت يا حبيبي)".

وأضافت: "قعدت 30 يوما في رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك".

كما تحدثت ريم طارق في فيديو لها على "إنستجرام" تفاصيل دقيقة عن زواجها بحسن شاكوش قائلة موجهة له الحديث: "أنت جيت عندي واتجوزتني ليه عشان تداري ايه، انت اتعرضت لأيه قبل ما تخطبني عشان كدة قررت تروح تتجوز؟ ايه الحاجة اللي كنت بتداريها، الحاجة دي أنا عرفتها، مش عارفة أقول لك إيه بصراحة، لحد دلوقتي محدش سمع إني بقول عنه حاجة، هو طلعني مريضة ومزورة عمل كل حاجة تغطي على الحاجة اللي عنده اللي مش عايز حد يعرفها اللي أنا بردو عرفتها".



ريم طارق طليقة حسن شاكوش


وتابعت ريم: "اتقال لضابط النجدة إن أنا اتطلقت، فلو أنت طلقت عشان قضية الطلاق اللي أنا رفعتها وعرفت سبب الطلاق اللي أنا رفعاه قبل ما تتعرض على القضية دي انهاردة، فأنا خلاص مابقاش في سر، فلو أنت طلقت عرفني عشان أقول للناس ايه السبب اللي خلاك تيجي تخبط على الناس وتقول انا عايز دي من 3 سنين بنت الجيران اللي مابتسبش فرض اللي سجدت شكر لله وعملت كل الحاجات دي، أقول السبب بقى اللي انت جيت وقولت انا عايز بنت ناس عشان أنت اعترضت على واحدة وقولت انها مش بنت ناس من تفكيرك ووجهة نظرك".

وتحدث محمد أبو العلا، محامي المطرب حسن شاكوش، عن تطورات جديدة في أزمة شاكوش وريم، وأكد المحامي، أن حسن شاكوش قرر طلاق ريم طارق غيابيا وبشكل رسمي على يد مأذون، وجرى إثبات ذلك عبر مستند رسمي لدى نيابة أكتوبر، وذلك حسب تصريحاته لموقع ET بالعربي.

ads