فوائد الحنة البيضاء للبشرة وأبرز أضرارها
عفاف مصطفى تكشف تفاصيل موقف غير متوقع جمعها بمحمد سامي
كشفت الفنانة عفاف مصطفى عن موقف كوميدي جمعها بالمخرج محمد سامي على هامش تواجدهما في مهرجان القاهرة للدراما عبر صفحتها الشخصية علىً موقع التواصل الاجتماعي فيس بوك.
وكتبت عفاف مصطفى: حصل الآتي، من خفة دم المخرج القمر اللي بحبه الابن محمد سامي، ندهوله على المسرح يحضر تكريم حد غيره من مسلسله "جعفر العمده" وهو كان ماسك تكريماته الاتنين اللي في الصوره وكان واقف وأنا الطرابيزه اللي جنبه فاوقفت وقلت له هيلخموك دول هاتهم امسكهم لك لغاية لما ترجع وشديتهم منه لقيته بيشدهم مني جامد وهو ما شاء الله عضلات هو يشد وانا اشد وقاللي انتي عايزه تاخديهم وتجري ومن غير ما يضحك يعني تعبيرات وشه كانت جد لأني عارفاه وعارفه ريأكشناته من شغلي معاه.
وتابعت: عذرته لأنه رجل يقدر قيمة الأشياء فما بالك بتكريماته، واختتمت: ذكرياتي من المهرجان.
وحاز المنشور على إعجاب الجمهور الذين أشادوا بمجهود محمد سامي وخفة دمة وانهالت التعليقات بعبارات الحب والضحك.
عفاف مصطفى وعادل إمام
يذكر أن عفاف مصطفى أثارت الجدل في الفترة الماضية بعد طلبها زيارة الفنان عادل إمام ووجهت رسالة لأبنه رامي إمام تلومه على عدم الاكتراث لها رغم العديد من الرسائل التي أرسلتها له وكتبت: زعلانه من رامي إمام بعتاله الرساله الأخيره دي عالوتساب ضمن العديد قبل كده.
وأضافت: الرساله الخامية ليك في خلال سنه يا أستاذ رامي اتمني يقراها أستاذي عادل نفسي ورجائي أشوف الأستاذ عادل وجه لوجه لأني عارفة إني الوحيده اللي بضحكه لما بقعد جنبه زي مقاللي قبل كده وكنت دايما أكلمه تليفونيا ويضحك ويبقي سعيد لمجرد يسمع صوتي دلوقت حضرتك يا استاذ رامي الوحيد اللي تقدر تحسم طلبي المتكرر سؤال استاذ رامي هوه انا خطر علي بابا ولا حاجه ؟؟؟.
وأشارت عفاف مصطفى إلى أنها علمت بأن هناك بعض الفنانين يستطيعون التواصل مع عادل إمام بطريقة مباشرة وذكرت أنها تعرف منزله ويمكنها زيارته ولكنها ترفض هذا الأمر منعا للإحراج.
وتعرضت عفاف لهجوم من قبل بعض محبين الزعيم عادل إمام الذين وجدوا أن تصرفها هو انتهاك للخصوصية ويجب عليها احترام خصوصيته وعدم التطرق لمثل تلك الأمور.
