هل يجوز تعدد النية في الصلاة؟.. أمين الفتوى يُجيب
طارق الشناوي يكشف أسرارا جديدة عن أزمته مع مصطفى قمر
الخميس 21/سبتمبر/2023 - 04:14 م
طارق الشناوي ومصطفى قمر
أماني صبحي
تحدث الناقد الفني طارق الشناوي عن أزمته مع المطرب مصطفى قمر على إثر انتقاده لفيلم أولاد حريم كريم والذي شارك في بطولته مصطفى قمر وبشرى وعلا غانم وباقة من النجوم، الأمر الذي جعل مصطفى قمر يخرج على صفحات التواصل الاجتماعي ووجه الشتائم للناقد الفني طارق الشناوي.
طارق الشناوي عن أزمته مع مصطفى قمر
وقال طارق الشناوي في مداخله هاتفية مع الإعلامي تامر أمين: كل اللي قلته إن الفيلم من أسوأ الأفلام اللي أنا شفتها وقلت إن المطرب لما بيكون في مرحلة قفول ميعملش فيلم، الفيلم لن ينقذه، وعبر التاريخ المطرب ينجح يتعملوا أفلام مش يتعملوا أفلام عشان ينجح مبتحصلش من أول أم كلثوم ومحمد عبد الوهاب وعبد الحليم وغيرهم.
وأضاف الشناوي: ما يبتدي المطرب أسهمه تنزل لما بيعمل فيلم لن ينقذه، ودي مش المرة الأولى من حوالي 4 سنين عمل فيلم اسمه "فين قلبي" كان فيه مشكلة برضه، واتكلمت عن فيلم أولاد حريم كريم لقيت بعدها كمية شتائم، وأول سلاح طلعوا بيه إني مشفتش الفيلم، يعني أنت قاعد معايا 24 ساعة؟ وقالوا إن فيه ضغينة وأنا لم ألتق به في لقاء خاص ولا مرة في حياتي على الإطلاق.
طارق الشناوي: الجمهور قال كلمته في فيلم أولاد حريم كريم
وتابع: عملوا إحصائية عن الإيرادات لقوا أن نفس الإيرادات هي اللي حصلت في الجزء الأول سنة 2005 هو نفس الرقم وده يعني إن فيه هبوط بنسبة 90%، لأن سعر التذكرة كان 10 جنيهات دلوقتي 100 جنيه يبقى الجمهور قال رأيه.
وأردف الشناوي: أنا لا أحضر العروض الخاصة والفيلم حضرته مع الجمهور وكان جمهور قليل جدا ومفيش تجاوب، كتبت قلت إنه مش في مرحلة وهج وانقطع الوهج وبريقه انطفأ، انت المفترض القوى الضاربة في الفيلم المطرب والحريم كلها بدور عليه، فهو الشخصية المحورية واللي بيغني وكلهم بيجروا وراه.
ونقدم لكم من خلال موقع هير نيوز، أخبار وتقارير، صاحبة المعالى، منوعات، فن وثقافة، كلام ستات، بنات، هير فاشون، حوادث، رياضة، صحتك، مال وأعمال، توك شو، مقالات، دنيا ودين.
اقرأ أيضا.. 
