حسام داغر يحيي ذكرى وفاة والدته بكلمات مؤثرة

أحيا الفنان حسام داغر الذكرى الرابعة لوفاة والدته، وذلك من خلال حسابه الرسمي بموقع تبادل الصور والفيديوهات انستجرام، عبر من خلاله عن حنينه واشتياقه لها، وتذكره لكل مواقفه معها.

وكتب حسام داغر منشور قال فيه: "النهاردة سنويتك الرابعة يا ماما يا حبيبتي وطول عمرك بتحبي الورد وملقتش حاجة ممكن توصلك غير الدعاء والورد اللي بتحبيه.

وأضاف حسام داغر: فاكرة الفيديو ده لما أخواتي صورونا وإحنا داخلين من الباب من الحج في 2017، أنتي  دلوقتي في الجنة المليانة ورود (إِنَّ الْمُتَّقِينَ فِي جَنَّاتٍ وَنَعِيمٍ)، الآية بتصور النعيم اللي بيوصل ليه المتقون.. وأنتي وردك والفل اللي زرعتيه بيطرح.

وتابع داغر: "كل سنة وناس بتشمه وبقولهم ماما اللي زارعاه وسبحان الله كأن ريحته من الجنة، النهاردة إن شاء الله ربنا يقدرني نعملك ختمة عندي في بيتي مع حبايبك وحبايبي ويارب ثوابها يوصلك.

واختتم داغر قائلا: "هدية عيد ميلادك يوم 25  يناير وذكّرى وفاتك يوم 18 يناير اللي يحب يشاركنا يبقاله الأجر والثواب.. لو كنتي عايشة وسطينا كان زمانك تميتي 70 سنة النهاردة أكيد مكنتيش هتحبي الرقم ده.. بس كنت هنضحكك شوية ونهزر معاكي لحد ما تنسي يا جميلة وبشوشة وطيبة.. عيد ميلادك في الجنة يا حبييتي مع بابا حبيبك ويا رب تكوني راضية عني.. وحشتيني قوي".

يذكر ان حسام داغر شارك في العديد من الأعمال السينمائية، وآخرها فيلم الخميس اللي جاي، وعرض مؤخرا في دور السينما، بحيث تدور أحداثه في إطار كوميدي، حول قصر يصيب كل من دخله بلعنة معينة.