وجه الفنان أسامة الهادي بطل مسلسل وبينا ميعاد  رسالة لجمهوره، طالبهم بعدم التحدث باللغة الأنجليزية، وضرورة أن نعتز باللغة العربية لغتنا الأم؛ لأن بها من المفردات والمعاني التي لا يمكن أن تجدها في أي لغة أخرى.

وظهر أسامة الهادي في فيديو على حسابه الرسمي بموقع انستجرام وقال: " عايز أقولكم على حاجة مهمة.. ممكن منكلمش بعض بالإنجليزي، لأننا في مصر ولغتنا الأم هي العربية، ودي الحاجة الوحيدة اللي سابوهلنا اللي قبلنا عشان بدورنا نسيبها للي بعدنا، فامينفعش إحنا نكون السبب في إن اللغة تتلاشى".

وتابع الهادي: " مش صح إن معظم الأجيال الجديدة مش عارفة تكتب ولا تقرأ عربي، وبعدين إحنا مش شيكاغو، يعني ليه اتنين يبقوا في حدايق الأهرام وبيتكلموا إنجليزي؟، ومتقعوش في الفخ بتاع إن الإنجليزي أشيك، عايز الشياكة بجد؟ اتكلم عربي، ولما حد يسألك عامل إيه، هترد بالعربي تقول الحمد لله في زحام من النعم، ودي أشيك ووقعها على الودن أقوى، فتعالوا منتكلمش مع بعض بالإنجليزي".

يذكر ان الفنان أسامة الهادي يشارك في مسلسل وبينا ميعاد في جزئية الأول والثاني، بالاشتراك مع عدد من النجوم منهم: شيرين رضا، صبرى فواز، بسمة، مدحت صالح، وفاء صادق، خالد أنور، هاجر الشرنوبى، محمد سليمان، نادية رشاد، آية سليم، أسامة الهادى، يوسف الكداونى، الطفل محمد العزازى، الطفلة كنزى رماح، تسنيم هانى، يوسف إبراهيم، نور محمود، هيدي كرم، بالإضافة إلى عدد آخر من النجوم.

اقرأ أيضا..

زوج الدكتورة خلود يهديها يختًا فاخرًا في عيد ميلادها (صور)