زار أعضاء نقابة المهن الموسيقية الفنان مصطفى كامل في منزله، لمحاولة إقناعه بالرجوع عن قرار الاستقالة الذتي لمح بها خلال الفترة الأخيرة، مؤكدين على دوره الهام في تحقيق الانجازات خلا ل فترة توليه منصب النقيب، ومؤكدين على أن استقالته مرفوضه.

نجح أعضاء النقابة في إقناع مصطفى كامل بالرجوع عن قرار الاستقالة، ومؤكدين تمسكهم به، وقرأووا الفاتحة على ذلك، ويأتي هذا بعد محاولات عديدة مع مصطفى كامل ليتراجع عن قراره.

وقال مصطفى كامل خلال الجلسة التي عقدت في منزله: "أنا بتحدف بالطوب في كلامي وأنا مؤلف، وفي لحني وأنا ملحن، وفي غنايا وأنا في حفلة، الناس مالهاش دعوى زوري كان تعبان وتقولك صوته زي الزفت، كفاية طوب عليا في شقايا، أنا ليه اتحدف بالطوب في النقابة؟ أنا سيبت بيتي وعيالي وكبرت في السن".

وأضاف: ولما نيجي نحمي البلد من أي مصنف يقولك حرية تعبير، ولما نسيب حرية التعبير يقولك أنت اللي سيبت، عمالين نترزع ونتخبط وكل أهدفنا بنعلنها، وأنا بعلنها ولا أتخن شنب فيكي يا مصر يزايد على حب مصطفى كامل لمصر، ولا مصر جابت حد شايل كفنه على إيده زي مصطفى كامل.

وتابع: إحنا كفانيين اتعودنا على اللي بيهدم، ولكن بتكلم على مؤسسة خدمة زي نقابة المهن الموسيقية اللي نهب فيها متسجنش، اللي سرقها متسجنش، فاللي رعاها ورعى ربنا يتشتم تحت مرئى ومسمع من الأجهزة كلها؟ مين يقبل بكده وليه؟ لو قبلت بكده أبقى راجل وضيع، لازم نأخذ إجراءات فمن يحاولون هدمها، دول بيهدموا 100 ألف أسرة.

 

وقال مصطغى كامل: "عيب أنا مش نازل من بيتي علشان أقدم عمل خدمي وأشيل شريحة من مجتمعي وشريحة من زملائي، علشان بالليل بنتي وابني يقرأ سب فيا، ميقبلش ده غير راجل مبتذل وحرامي أو دون المستوى أنا مش هقبله على نفسي.

وتابع:  اللي معاه حاجة علينا يروح يقدمها للنيابة، يعني هو ده جزائي؟ بعد ما سيبت ولادي وبيتي واستقطعت من وقتي وجهدي وأكل عيشي؟ ده إحنا سننا كل ما بيكبر كل ما اسمنا بيقل، وحتى العزم ده بيتي أولى بيه، ولما تستخره في بيتك وتنزل تخدم بيه زملاءك ربنا اللي هيجازيك عليه، والنقابة مقدمة دورها على أكمل وجه والمعاشات اترفعت النص، أنا عملت كل ده علشان أتشتم؟، أنا عملت إيه وحش في المكان علشان أتهان؟