وجه الفنان تامر حسني رسالة للفنانة هنا الزاهد، وذلك من خلال منشور على حسابه الرسمي بموقع انستجرام، من خلال خاصية الاستوري، مؤكدا على موهبتها الكبيرة، وتوقعه لها بمستقبل كبير، ما دفع هنا الزاهد للرد عليه معبرة عن اعجابها بشخصيته وثقته بنفسه.

وقال تامر حسني في منشور على حسابه الرسمي بموقع انستجرام، على خلفية كلام هنا الزاهد عنه في برنامج "كلاكيت" الذي تقدمه الإعلامية لينا الطهطاوي على راديو نجوم إف إم: "لو تفتكري يا هنا أنا كتبت عنك بوست قبل ما فيلمنا ينزل وقولت عنك إيه؟ انتي الله أكبر دلوقتي في المكانة دي ولسه عندك أكتر وربنا هيكرمك أكتر عشان موهبتك وقلبك واجتهادك المتواصل ولسه لما الجماهير تشوف مسلسلك اللي جاي هيوصلهم كلامي أكتر".

وردت هنا الزاهد على تامر حسني قائلة: " فاكرة طبعا والكلام اللي قولته ده قليل في حقك انت حقيقي تستاهل كل اللي أنت فيه بجد نجم بأخلاقك قبل أي حاجة ويا رب يكرمنا في الجاي".

وكانت هنا الزاهد أعلنت خلال لقائها في البرنامج الإذاعي "كلاكيت"، إنها تستعد لتصوير فيلم جديد مع الفنان تامر حسني، والمنتظر طرحه في عيد الأضحى 2024، وقالت: " اتبسطت جدًا مع تامر حسني في الشغل وأول عمل عملته معاه كان مسلسل (فرق توقيت)، وتاني عمل هو فيلم (بحبك) وهو إنسان صادق ومش أناني في شغله".

وأضافت "هنا": "هو إنسان طيب وذكي جدًا ولأبعد حد ومتحمسة جدًا للفيلم، ولو دخلتي الفيلم هتلاقي إن دوري قد دوره، وده معناه إنه إنسان واثق في نفسه".