بخطوات بسيطة | طريقة عمل طاجن البامية باللحمة الضاني
خبيرة علاقات تكشف حل مشكلة الزوج الغائب والزوجة النكدية
الإثنين 27/سبتمبر/2021 - 02:07 م
عبدالله أبو الخير
قالت الدكتورة نانسي ماهر؛ خبيرة العلاقات الأسرية ومرحلة المراهقة؛ إنها ناقشت في كتابها القادم "لغز الزواج" مشكلة الزوج الغائب والزوجة الملقبة "بالنكدية"، وأشارت بشيء من الإيجاز إلى المشكلات التي تواجه هذه العلاقة.
إلا أنا - بالورقة والقلم
حيث أشادت ماهر بتسليط مسلسل "إلا أنا - بالورقة والقلم" الضوء على "هبة"، إحدى شخصيات المسلسل، ووصفتها بأنها: "شخصية حساسة عاطفية، كل وأكبر أحلامها في الحياة أنها تقعَّد جوزها جنبها، نفسها يتكلم معاها، يقضي وقتًا لطيفًا معاها يحكي معاها".
وتكمل وصف دورها: "بس الزوج بقي في حتة تانية، شخص حامي وعصبي وحاسس إن تصرفاتها كلها خانقاه؛ في كتابي القادم "لغز_الزواج" بشرح بالتفصيل مشكلة الزوج الغائب والزوجة الملقبه بالنكدية".
وأضافت ماهر: "العلاقة دي بتعاني من ٣ مشاكل؛ احتياجات غير مسددة، اختلاف جذزي في لغة الحب، مشكلة كبيرة في التواصل، الزوجة دي بقي المفروض تعمل إيه؟!"
دور الزوجة
وأوضحت نانسي أنه على الزوجة في هذه الحال أن تقوم بثلاثة أمور:
- تتفهم أكثر شخصية وطبع زوجها وتحاول تديله مساحة هو اللي يقرب
- تعبر عن احتياجاتها بس بشكل أكثر ذكاء وواقعية
- تلاقي حاجات إيجابية تشغل بيها نفسها وتبين له أنها مش قاعداله ومركزة معاه وعلى طول زعلانة أو متضايقة لأنه طول الوقت هي مش في أولوياته.
دور الزوج
وأكملت: الزوج بقى المفروض يعمل الآتي:
- يتكيف مع الوضع الجديد بتاعه كزوج مسؤول وعنده زوجة محتاجاله وليها حقوق واحتياجات
- يحاول يبقى أهدى علشان ما يقلبش أي نقاش لخناقة ما يوصلوش فيها لأي حل
- يحطها في اعتباره ويديلها مساحة من الأهمية في حياته بدل ما يدور إزاي يهرب منه لأهله أو لأصحابه.
وأنهت كلامها قائلة: "لو كل طرف راعى حقوق التاني وواجباته هو تجاهه، إدي التاني مساحة وفي نفس الوقت ما امسحش شخصيتي تماما علشان التاني، مع الوقت التفاهم بييجي، المودة والرحمة بيتحققوا، والجواز بيبقى ألطف وأسعد وأقوى".
