أول تعليق لأسما شريف منير على حلاقة شعرها بالكامل (صور)

آثارت الفنانة أسما شريف منير، الجدل في الفترة الأخيرة، حيث تصدرت التريند بعد ظهورها في فاعليات حفل مهرجان القاهرة للدراما، وهي بدون شعر نهائياً، حيث قامت بحلاقة شعرها في مقطع فيديو قبل الحفل نشرته عبر حسابها على موقع انستجرام.

وتعرضت أسما شريف منير، للكثير من الانتقادات بعد الظهور بدون شعر في الحفل على الريد كاربت، وهو ما دفعها للرد في منشور اليوم، على حسابها الخاص بموقع انستجرام، حيث كشفت عن سبب حلاقة شعرها وطمأنت محبيها.

وكتبت أسما: «طب أول حاجة شكرا على كل ردود الفعل لوحشة والحلوة كلها ، ساعات موقف زي دي بتخلي ناس تشوف ناس تانية عاملين ازاي مجرد أنهم يعبروا عن رأيهم وشكرا لكل الناس الي كانت خايفة وقلقانة عليا ممكن بقى اقولكم الحكاية من وجهة نظري ببساطة».

وأضافت: «اولا الحكاية جت بالصدفة وكان قرار لحظي وانفعالي جدا ومش ندمانة عليه، تاني حاجة انا مش بعمل كده عشان اطلع ترند بس كنت عارفة اني هبقى ترند، في فرق كبير بين عايزة وعارفة، على فكرة الترند ده نقمة مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس دي صحفة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون».

وتابعت أسما: «انا فعلا من فترة كنت بمر بمرحلة صعبة جدا بس كنت في رحلة بقالي شوية بتعافى منها ويقف على رجلي من الأول ، وكان آخرها رحلة دهب، فا تاني بالعكس ده مش اكتئاب ده مرحلة انتقالية مؤمنة اني هحقق فيها حاجات كتير».

واختتمت المنشور قائلة: «اخر حاجه الجماعة الي مكبرين الموضوع (ده شعري مش شعرك) حاجة كده بجد أخيرة (انا عجبني شكلي جدا بصراحة، شكله جامد ومديني ثقة في نفسي جدا) بحبكم اوي بجد».