الإثنين 15 أبريل 2024 الموافق 06 شوال 1445
رئيس مجلس الإدارة
خالد جودة
ads
رئيس مجلس الاداره
خالد جوده

نصائح فترة الخطوبة من السوشيال ميديا «بلاش تجاوزات»

الجمعة 01/مارس/2024 - 02:31 م
نصائح فترة الخطوبة
نصائح فترة الخطوبة 2024

تمثل فترة الخطوبة من الفترات المهمة في حياة أي فتاة وشاب قبل إتمام الزواج، حيث تتساءل الكثير من الفتيات عن النصائح لتخطى فترة الخطوبة بدون مشكلات أو عقبات حتى إتمام الزواج، وتستعرض «هير نيوز» بعض النصائح لتخطى فترة الخطوبة من واقع صفحات السوشيال ميديا، في التقرير الآتي.. 



نصائح فترة الخطوبة 

طرحت أحد المتابعين عبر صفحات السوشيال ميديا سؤال على الفتيات لإعطائها بعض النصائح لتخطى فترة الخطوبة دون مشكلات أو عقبات، ونستعرض في السطور التالية بعض النصائح. 

حيث قالت مايا إبراهيم: "متتصعنيش خالص وأتعاملي بطبيعتك عادي، واتفقوا شكل حياتكم هيبقى عامل إزاي وأفكاركم و طباعكم إيه، وشوفي لو في حاجة مضيقاكي مثلا هيغيرها من غير ما تقولي ولا لا والعكس، ومدخليش حد بينكووو ولا تحكي لحد". 

بينما فضلت مريم فهمي السرية التامة لضمان نجاح الخطوبة، قائلة: "السرية التامة بعيدا عن صحابك أو الأقارب اللي هما مش أنتي وأهلك، ضوابط الخطوبة، لو بتحبوا بعض، ومحتاجين تتعرفوا يبقا تنزلوا مرة كل شهر مع حد كبير يعني مامتك او اختك او اخوكي، حاولي تشوفي فيه الشخص اللي هيقربك من ربنا اكتر، وهيخليكي تساعدي نفسك أكتر، خليكي عقلانية أكتر من العاطفة اللي جوه كل بنت". 

فترة الخطوبة بدون مشكلات

وركزت معظم النصائح للمضى في فترة الخطوبة بدون مشكلات على ضرورة السرية التامة وعدم التصنع والتلقائية ومحاولة حل المشكلات دون تدخل من الأهل والأصدقاء، والإلتزام بضوابط الخطوبة. 

وكما قالت داليا تيمور: "بلاش اي تجاوزات و خلي بالك من نفسك وادرسي الشخصية بشكل دقيق وبلاش تتغاضي عن أي تفاصيل في شخصيته، شوفي مدي قبول أهله ليكي ولكن برضوا متدخليش حد منهم". 

بينما قالت منار حسن: "الخطوبة مطولش سنة بالكتير اوعي تضحي أو تتنازلي وماتكونيش الشخص اللي بيدي علي طول حطي حدود وماتجيش علي نفسك خالص ولو حصلت حاجه معاكي بجد احكي مع حد كبير، لأنه هيفيدك جدا ومشاعرك احتفظي بيها". 




اقرأ أيضا..

ads