تصرفاتك دليل أنوثتك.. 12 نصيحة من خبيرة «إتيكيت» لـ«الفتيات»

السبت 06/فبراير/2021 - 08:32 م

وجهت خبيرة «الإتيكيت» شاهندا شاور، بعض النصائح للفتيات خلال معاملاتهن اليومية، وكان منها:

- "لو أنتِ قاعدة مع جوزك أو خطيبك أو حتى زميلك في الشغل وخدتي بالك إنه عارف قواعد "الإتيكيت" وبيقف لما تيجي تقومي من على الترابيزة من قواعد الإتيكيت إنك تقعدي على طول وماتخليهوش واقف كتير".

- "طبعا قاعدة أساسية إنك ماتتكلميش أبدًا وفيه أكل في بقك، فلازم تاخدي بالك من كلامك والألفاظ اللى بتستخدميها، الكلمة الحلوة تقدري بيها تكسبي أي حد".

- "لازم تلبسي علي حسب المناسبة وتعرفي إيه هو اللبس اللي يمشي مع المناسبات المُختلفة.. بتفرق قوي".

- نصيحة إتيكيت مهمة جدًا إنك لما تطلبي حاجه تقولي ”لو سمحت” أو ”من فضلك” وكمان تقولي "شكرًا".

- "اللي بيخلي أي بنت تبقي "lady" هى أخلاقها، علشان كده الليدي لازم تساعد الناس اللي حواليها".

- "لو اتعزمتي على حفلة أو فرح لازم تقرأي الدعوة كويس ولو فيها قواعد معينة في اللبس أو عدد الضيوف لابد من الالتزام بها".

- "وقت العزومات ماينفعش أبدًا تروحي من غير هدية، الهدية هتبين تقديرك وحبك لصاحبة العزومة".

- "لازم تكون كلمتك واحدة ولو وعدتي لازم توفي بوعدك".

- "لو متفقه على ميعاد مع خطيبك استنيه لما يتصل بيكِ ويأكد هو الميعاد، ماتستعجليش وتتصلي أنتِ".

- "دايمًا قدري الناس اللي حواليكِ وبيعملوه علشانك".

- "لو معزومة على الغداء فى مطعم استني أما اللي عازمك يطلب هو الاول عشان تقدري تحددي الطلبات اللي بيطلبها سعرها حوالي أد إيه وتطلبي حاجات بنفس الأسعار تقريبًا، ولو اصر انك انتى اللى تطلبى الأول حاولي تطلبي حاجات سعرها مناسب ومتكونش غالية".

- "دايمًا لما حد يبقى بيتكلم معاكي سواء بيناقشك او بيفضفضلك لازم تبقى مستمعة جيدة وتديله اهتمامك كله وماينفعش خالص تمسكِ تليفونك، الليدى دايما بتظهر اهتمامها ورغبتها في المساعدة".