حل الفنان أحمد فهمي ضيفا في برنامج AB TALKS، والذي يقدمه الإعلامي انس بوخش على قناته الرسمية بموقع الفيديوهات الشهير يوتيوب، وتحدث خلال اللقاء عن سبب انفصاله عن الفنانة هنا الزاهد، مشيرا انه ليس كل الناجحين في حياتهم الزوجية ناجحين في حياتهم العملية.

وقال أحمد فهمي خلال حديثة مع الإعلامي أنس بوخش: " عندي مصايب كتير وعندي مشاكل في شخصيتي، لكن كله بيحب يطلع في التلفزيون يقول أحلى ما عنده.. يعني لو سألت حد في الشارع هيقولك إنت ناجح ولكن أنا أقدر أقول إنك ناجح في شغلك، وده اللي أنا شايفه بس معرفش إنت في حياتك عامل إيه".

وبسؤاله عن المتسبب في انفصاله عن هنا الزاهد، قال: "أكيد العيب عندي انا لأني مش مسؤول عن عيوبها". مشيرا إلى ان في الزواج تكون الطباع مختلفه، ولابد من ان يكون هناك صبر حتي يألفوا بعضهم، وأكد على ان مصطلح "متخربش البيت" بسبب الانفصال هو مصطلح خاطئ من وجهة نظره لأن الانفصال هو صلاح البيت في حالة لم يكن هناك توافق.

وأضاف أحمد فهمي: "لو حياتي فيلم هسميها سمك لبن تمر هندي، حاجات ملهاش علاقة ببعض، وأنا نفسيًا متقلب جدًا على حسب المكان عشان كده ممكن الناس تشوفني غريب، أنا بني آدم مش عايز حاجة أنا مش شخصية متطلعة، البني آدم اللي عايز دايما بيكون ضعيف مش قوي، فـ أنا حابب دائما إني مكنش عايز حاجة أو بمعنى أصح مش عايز حاجة من حد أنا متطلباتي بسيطة جدًا".

وعن علاقته بأسرته، قال أحمد فهمي: " والدي صاحبي جدا وأمي ست عافرت كتير، وعقد طلاق أبويا وأمي ماضي عليه وأنا عندي 19 سنة... وكلمة متخربش البيت بشوفها دي كلمة جاهله جدا لأني بشوف صلاح البيت في الانفصال".

جدير بالذكر الفنانة هنا الزاهد قامت بإعلان خبر انفصالها عن احمد فهمي من خلال منشور على حسابها الرسمي بموقع انستجرام قالت فيه: "الحمد لله.. تم الانفصال بيني وبين أحمد فهمي بعد 4 سنين جواز وربنا يكتب لكل واحد فينا الخير".