في عيد الأم، يهدي الأبناء الحب والعرفان لأمهاتهم تقديرًا للتعب والتضحية التي قدمتها خلال حياتها. ومع الاحتفالات بعيد الأم، نسترجع دائمًا أجمل الأغاني التي أدخلت البهجة على قلوب الأمهات.

وهناك عدد من النجمات اللواتي حفرن بأصواتهن ذكرى عيد الأم في قلوب المصريين، ومن أبرزهن النجمة شادية، والتي حرمت من الأمومة.

وفي السطور التالية سنرصد أبرز النجمات اللواتي غنين للأمهات في عيد الأم..

الفنانة شادية

واحدة من أشهر أغاني عيد الأم، هي أغنية المطربة والممثلة المصرية الشهيرة شادية، والتي تحمل عنوان "ماما يا حلوة". وتقول كلمات الأغنية:

كلمات أغنية "ماما يا حلوة - شادية"

إنتي ياماما ملاك من الجنة تحت جناحك اعيش وأتهنى إنتي حياتي

ماما يا حلوة ماما ياحلوة يا أجمل غنوة عايشة في قلبي وجوه كياني غالية عليه وضي عنيه يا أول كلمة نطقها لساني ماما يا ماما ***

لما أضمك وتضميني تبقى الدنيا مش سايعاني ويزيد شوقي وألقى حنيني بيخليني أضمك تاني مين رباني مين ومين هناني مين غيرك إنتي يا حلوة ياماما ماما ياماما

مهما الف الدنيا يوماتي ما ألقاش زيك في الدنيا دي أسعد لحظة في كل حياتي لما ألاقيك يا ماما قصادي مين رباني مين ومين هناني مين غيرك إنتي يا حلوة ياماما ماما ياماما

الفنانة فايزة أحمد

أيقونة عيد الأم، أغنية "ست الحبايب" للمطربة المصرية القديرة فايزة أحمد، ولعل ما لا يعرفه الكثيرون أنها تجربة شخصية لشاعرها حسين السيد الذي كتبها خصيصًا لوالدته في عيد الأم، وقدمها لها كهدية.

وتقول كلمات الأغنية:

ست الحبايب ياحبيبه يااغلى من روحي ودمي

ياحنينة وكلك طيبة يارب يخليكي يا أمي

زمان سهرتي وتعبتي وشلتي من عمري ليالي

ولسه برضه دلوقتي بتحملي الهم بدالي

انام وتسهري وتباتي تفكري

وتصحي من الآدان وتيجي تشقري

تعيشي لي ياحبيبتي يا أمي ويدوم لي رضاكي

أنا روحي من روحك انت وعايشه من سر دعاكي

بتحسي بفرحتي قبل الهنا بسنة

وتحسي بشكوتي من قبل ماأحس أنا

يارب يخليكي ياأمي يارب يخليكي ياأمي

لو عشت طول عمري أوفي جمايلك الغاليه علي

أجيب منين عمر يكفي وألاقي فين أغلى هدية

نور عيني ومهجتي وحياتي ودنيتي

لو ترضي تقبليهم دول هما هديتي

يارب يخليكي ياأمي ست الحبايب ياحبيبة

الفنانة سعاد حسني

أغنية العروض المدرسية وذكريات الطفولة الخاصة بحفلات عيد الأم بالمدارس المصرية، هي أغنية الفنانة الجميلة وسندريلا الشاشة المصرية سعاد حسني، والتي تحمل عنوان "صباح الخير يا مولاتي".

وتقول كلمات الأغنية:

يا ماما يا أما يا اماتي

سلاماتي احتراماتي قبلاتي

صباح الخير يا مولاتي

يا ماما يا أما يا اماتي

ابوس الايد و قلبي سعيد

 يا أول حب في حياتي يا أمي

علشانك انهاردة الدنيا كارت معايدة

ملا الربيع أركانها بمليون الف وردة

والكون بقى جوة بيتك و انا قبل الكل جيتك

يا اللي انتبهت لقيتك انا وانتي حاجة واحدة

تحبيني وانا أحبك و أعيش بالقرب من قلبك

عيوني معجبة بيكي و روحي كلها تجاوبك

وأغمض و أفتح أقولك

صباح الخير يا مولاتي

بغني للأمومة و لليد الخدومة

و أقول الله يا أمي عالدفئ و النعومة

يا ست يا فدائية يللي قضيتها هي

تجعل حياتي هنية ولو تبات مهمومة

تعبتي كتير عشان خاطري

عشان أمشي عشان أجري

و مهما جريت بعيد خالص

أديني جيت قوام بدري

يا ماما يايما يا أماتي

صباح الخير يا مولاتي

الفنانة وردة

واحدة من أبرز أغنيات عيد الأم هي أغنية الفنانة الجزائرية وردة، والتي تحمل عنوان "كل سنة وأنت طيبة يا مامتي"، والتي كتب كلماتها عبد الوهاب محمد ولحنها بليغ حمدي.

وكلماتها:

كل سنة وأنتي طيبة يا مامتي و بعودة الأيام

تفرحـي و تتهنـي و فـي عيـدك نغنـي

و نضرب لك سلام

يـا حبايبي يا حلوين يا حبايبي يـا طعمين

كـل سنة و أنتم دايما طيبين وفي صحـة

وسعـادة و يـخـليلكـوا ... بابا

علـى طـول السنين

كل سنة وأنتي طيبة يا مامتي وبعودة الأيام

تفـرحـي وتتهني وفي عيدك نغنـــي

و نضـرب لـك سـلام

بادعي لكم طول السنين تسعدوا يا طعمين

وأشـــوفكم عرايس وأشوفكم ناجحين

و تدعوا لبابـــا يخليلكو بــابـــا

علـــى طـــول السنيـــــن

كل سنة وأتي طيبة يا مامتـي وبعودة الأيام

تفرحـــي وتتهني وفي عيـدك نغنــي

ونـضـرب لـك سـلام

إقرأ أيضًا..

"من صباح إلى سعاد حسني".. 5 أيقونات نسائية للموضة في تاريخ السينما المصرية